مدري بيا نهر؟
گتلك شفت روجك
ومدري بيا سهر ؟
مرني وضگت همك
لزمت اسمك؟
لگيته بكل صباح الخير
ولگيته بكل رسالة،
بكل طفل يلعب
بريد يغني بيه الطير
وع جفوفك
غفه التعبان ،
والسهران،
والنهران شمت بيك جاريها
والگمرة التريدك
تستحي من الناس
يثمل بيك طاريها
شعجب يانگلة الفزاّع
ماطحت بمحاجيها؟
يل المسمي الوطن بسمه؟
علمت
الوسن بس للوسن يخدر
وعلمت
الدمع لحسين
من يطيح مايعثر
وعلمت النزيف
الينتجي ع الجسد يتكبر،
وعلمت
العطش للعطش يبقى تراب
لوّ كل المطر خَضّر!
تعال بضحكتك يسمر
ولوّ بس ظن!
سهرنه، وتهنه، وتعبنه
وعفنه جروفنه بنهرك؟
ونمنه وماكو منك طيف
وعفنه حروفنه بجفك؟
بردنه وماكو منك صيف
دكافي وللسهر كافي
وللمشتاگ شمه، وگاع،
وعتب يشرب مطر جفك
شعجب وسمه المنية ونامت بصفك؟
يكون انا المنية وطايح بصفك
ازهر كريم - ذي قار
رد مع اقتباس
المشاركة الأصلية كتبت بواسطة التميز عنواني
