اعتذار من الرب
شكد جنت ناكر عشرتك..
شكد جنت قاسي عليك وماعذرتك..
ويه اول دمعه غرّگت رمش عيني
بكل سهوله بلحظه عفتك..
وما عفتني ..
حتى من ردت آنه اعوفك..
وكتلك انته الضيعتّني..
وجهك الابيض ضحكلي
وايدك الطيبه احضنتّني..
شكد جنت ناكر عشرتك..
چان بيه اللوم يكبر
وانت تكبر
بسمة الرحمه اعلى شفتك..
يا اللهي شكد احبك..
بروحي اسكن حتى
گلبي يضوگ گلبك.
وانت تدري بدربي دنيا
وضاع كلمن عاف دربك..
وآنه ادري..
هذا چفك فوك صدري..
بكلشي اشوفك
بكلشي احسك
ويه دمي البيه يجري..
ويه اول دمعه شفتك
وويه اول ضحكة شفتك
وويه اول صرخة كتلك
آنه احبك
وانته كتلي بضحكة أدري..
بيدك امسح فوگ شعري
يلي وحدك من عشگّتك
كمت احس العشگ عذري..
ما كو مثلك
ولا مثل حلمك وصبرك..
ما تعوفة اللي يعوفك
وما تهجّرة اللي يهجرك..
واليذكرك ادري بيك تحبه حيل
وادري بيك تحبه حيل الما يذكرك..
وماكو نار
ما اصدك جفك يعذب عباد
وهو نفسه اليمسح بشعر الصغار..
انت يمكن خالق لناسك نهار ..
وبالغلط فسروها نار..
ما يعذب من خلق وجه الصغار
ما يعذب من خلق لون الاشجار
ما يعذب من خلق هذا الخضار
ما يعذب من خلق طعم السلام
وهذا اسمك يا وطن كل الحمام..
گلبي خابصّته محبتگ
فوگ ضلعه مسويه دگاته ازدحام..
شكد خطيه الناس
ما تفهم رحمتك
لان ربطوا كل عظمتك
ويه موضوع الحرام..
::::::::::::::::::::::::::::::::::::::
الشاعر ادهم عادل
رد مع اقتباس
المشاركة الأصلية كتبت بواسطة بقايا أمراه
