يمحجول بربيع الساك...
اجيتك حنة غصبوها لجف منه العفاف انباك...
هدل بيه سعف فركاك...
وهذاك انه حضن فرع نخل بس مايلوح سمااك....
ومابياش اشيل طيور...
ولافيي يرد حيل الكعد جواي...
في خسران اذا جواي بس كبور...
دورتك حمامة نوح.......
ماخذها الوجوه الماي...
اريدك كاع
اجيتك ذنب راد يتوب طك بيه نثايه النوح...
ماتدري التعاشر هيل كون تصون عشرتهااا...
تحفظ ريحته لموسم شتاله الجاي من تنجهب تربتهااا..
شدورك وانته مثل الغيم كلسا وجه يطلع بيك...
عشكتك عافية بمحروم من جان العجد تارس ضحك رجليك...
يطبع البطنج المجيوس...
تذبل من تجيسك عين.
والم حيلي واكبع الصيت..
وارش بكل مكان اميه لاهل البيت...
واتكيد دميعة لجفن ليلة لصباح العيد سافر صفنة بالحيرة..
واطابكها العجايز من تطر جشافات بالجن تطلع بخيرة..
تجيلي ياريحة حلم..
من دوريتك من بعد فوكك شفت لمة نجم...
يابخور البيت ياهي........
من اشعلك اطبك البيبان....
واشر روحي عله الشباج خافن يوصل الجيرران.....
دخلني ازهك شبابيجي واطش الحرمل البيه اعله نارك لو تهب شارة...
وازاني الوكت والشمس ليه تريد عدها وياي تسياره...
تره الجمار شوكه تشوفه بالطليع...
يزافوف اللكوح لشكة عثوكي...
يماي ولو ثكل وجهك خضاري يضيع.
وانزل واسيرلك ضوه واتمدد برازونتك..
وانسه الوكت لليل اظل بيرغ شمس..
وانداف وي حنجك رصع واجبس كليبي بمونتك....
لوبيه سوالف ريح ماخلي الفخاتي تعشعش بحضني..
انته لحجي التراب مشيت رشة ماي..
جم عصفورة حيرها عشك عصفور واجت لغصاني تاخذ راي...
مشه بيه انتظارك هوسه مال اغصان واجتني هواي ناس بفيي رادت روح بس فيي ولا الها..
ماتدريش عير اامرود اعله العين مامش شي يكحلها..
عشت عمري نهر مابي رهاوة كيش لو مملوح..
واجه فركاك طشرني سواجي ومالكيتك لوح....
رد مع اقتباس
المشاركة الأصلية كتبت بواسطة هبة الله..
