تجار الملابس مثل برلمان العراق يستوردون الزبايل والسمايل ويسموها بضاعة درحة اولى في العراق ..
هذه عينه من البضائع المنتشره هذة الايام فى الاسواق على انها ملابس العيد..!!
ما اعرف هو الذوق مهووس ومشكك لو هذا ذوق القوارض
انحدار ذوق جماعى لو حريه شخصيه
ام ان المحل تعرض الى حادث تفجير انتحارى
فانتحر الذوق والبائع والمشترى
مرحبا ...
أولا : "حجيت الي بكلبي"
ثانيا : انا قبل يومين كنت بالسوق طرحت السؤال على صاحب المحل الي خطر ببالي اول ما شفت الملابس اكو ناس تشتري هيج شي ؟ الجواب بأسرع من البرق .. طبعاً يشترون لعد اني المن جايبهن اذا ادري ماينباعن !!!!
واذا تحجي شي .. تصير انت المو زين .. اذا معاجبك لتشتري
بالآخر كل شخص وذوقة
شكراً دكتور
ههههه اعتقد المحل بي فارة
بصراحه ماشايفه هيج شي اني بلسوق فما اعرف
اما ك رائي عن هالملابس
اليلبسهن مثلهن يعني ذوقه ٠٪
مو شرط يكون الذوق تعبان
اختلاف اذواق و رغبة بالتغيير و التميز فقط ..
و احنا م متعودين على هيج موديلات غريبة و لأنها م تتناسب وي مجتمعاتنا ف منتقبلها ^^
تخيل معي لو كان لبسنا المعتاد الملابس الممزقة ( او الرديئة) و هذا المتعارف عليه و جاء موديلا الملابس ( الكاملة)
مو رح تكون ردة فعلنا هي الاشمئزاز مثل هسة ؟
تحياتي
هذا طياح ح...... ولعبان نفس وتدني بالاخلاق وانحطاط بالذوق العام وهبوط بالتربية والاصول وكلشي صالح وجميل ، وانا اعتبر ابو المحل اللي يشتري هيج ملابس ويروجلهه هو مشارك باللي اخترع هالفكره القذره هاي وما اعتقدهه اقل من اشاعة الفاحشه والفجور والاخلاق الهابطة اللي هيه الان كارثتنا الكبرى بعد داعش وكان الله بالعون ، ومشكور اخي عالموضوع الرائع والمجدي ولك احلى تقييم تحياتي .
مو شرط("
إختلاف أذواق ليس الا ...ولأنه شيء ممألوف بمجتمعاتنا شيء طبيعي نرفضه... بمجتمعاتهم لبسنا يشوفوه همين"خالي من الذوق" .........
شُكراً لك
الجيل و الذوق
ثنينهم تعبانين.
بس اكثر شي هيج ملابس البنات يحبنها.
عدك مثال الأسر الملكية ب اوروبا دائماً ملابس الاميرات تكون بسيطة ومرتبة.
مشكور على الموضوع
انحدار في الذوق تحت غطاء الحرية الشخصية تبرير شائع ومستعمل ... بكثرة هذه الايام
شكرا لك
للأسف استاذ الاثنين تعبانات ، هم الجيل تعبان صار يلبس شيء مابيه ذوق راقي ، والتجار هم تعبانين يستوردون بضاعة رديئة بكل المقاييس (الجودة والمنظر و....) ويبيعوها بسعر أكثر من سعرها الحقيقي بأضعاف والشباب يشترون بحجة ملابس الموضة والجديد وما الى ذلك ، دمت بخير .
اهلا بك ومساءك خير ياشرفه القمرالمشاركة الأصلية كتبت بواسطة شرفة القمر
مرحبا ...
أولا : "حجيت الي بكلبي
ثانيا : انا قبل يومين كنت بالسوق طرحت السؤال على صاحب المحل الي خطر ببالي اول ما شفت الملابس اكو ناس تشتري هيج شي ؟ الجواب بأسرع من البرق .. طبعاً يشترون لعد اني المن جايبهن اذا ادري ماينباعن !!!!
واذا تحجي شي .. تصير انت المو زين .. اذا معاجبك لتشتري
بالآخر كل شخص وذوقة
شكراً دكتور
الذوق تصنعه التجاره والاعلام والناس تقلد كل سائد وغريب
ممتن منك ومن تعليقك
مودتى
رد مع اقتباس
