شعر بمناسبة استشهاد امير المؤمنين علي عليه السلام 2017
ردت اكتب قصيدة وما اجه الشيطان
يگلي اندفن شعري وابد ما يطلع..
امامك بيش اوصفه ابراسي ماظل بيت
لازم ملَك ينزل يكتب المطلع..
علي غير انته جيت انشگ جدار اعليك؟
وباب السمة ابجيتك راد يتصدع..
ذو الفقار سيفك يقبض الارواح
اول سيف سيفك يكسر ويرفع..
انته بسيف وحدك ذبّحت آلاف
جا شتعوف منهم لو شلت مدفع..
يرجعون الحضرتك لمن يحتارون
بس انته اعله حيدر لو حرت ترجع..
جماد انته صرت شافوك من صليت
بنه عشه الحمام اعليك من تركع..
ايا كنز القناعة والقناعة اتروح
يمك من حضرتك تاخذ وتقنع..
ملج الموت لمّن قبض روحك راح
يبجي اعليك دم وبروحه ظل يرگع..
ومن شالوك ميت طلعو ايشيعوك
ملائكة السمة.. السكرات والمصرع..
وسيف الضرب راسك ما گطر بدماك
اعيون السيف جانت دم الك تدمع..
وعذرا سيدي امقصر انا اشماگول
بوصفك شاعريتي امن الگلب تگفع..
وعليك اكتبت لكن ادري ما اوفيك
وگبل ما دمعي ينزل دم بجه المطلع..
وتره هاي القصيدة انكتبت اعله الروح
لان تبجي عليك الورقة تتنگع..
الشاعر منهل العبد الله
رد مع اقتباس
حلووو عاشت ألأيادي