هنا

[فقار الكرخي]

حضن لو عرش عندك بيك ليل ينام
وحدر خيوط خاجيتك زمن يختل

علي دروب السمة عندك تكول البيت
تزت الوحي وترجع ليك من ينزل

يتيه وانت كتلة الدرب مو مناه
(شني تدلي المناجل ركبة السنبل)

انه مسويهة حرثة اعلة الله طالع طاب
محمد للسمة ما يطلع الة بخل

محمد خطوة ما يمشي الة ايد بأيد
وية حيدر والجسد من يمشي...يمشي الضل

يتهدل علي لكلمة....علي جوعان
مثل ما بلعرك يتهدل يتهدل

وتجفة ام الحسن بس تسمع الدمام
من خيوط الشمس خاجية الك تغزل

تنزل حار حتماً..خلفت هم حار
غير ام الحسن تغزل غزل يكتل

عصة مغزل ام الحسن تدري منين
اتفطن خل اكلك ذيج عصاة....ال

النبي المدهة وشطر هامة الماي وفات
مثل شطرة علي لمرحب وفات الكل

اذا جانت الزهرة لعلي تسوي هدوم
من اجلود الافاعي ومتنة هم يبسل

لان متنة علي وي التعب عشرة وشيل
يتامة وحكة مو بس يبسل يهدل

هذن كلهن عليه بس جلد ما يرتاع
الولاية كحيلته ولغيره ما تصهل





مرتضى حرب

[.Diyaa Nawar]

حلووو

[تـمــيــڒ]

جميل جدا

[فقار الكرخي]

نورتو الموضوع

[العراق شمسي]

حلووو