هاليله صار الوداع يا حيدر
طاحت سمانه ع الگاع يا حيدر
سيفك علي داحي الباب
يا حيدر ويابو تراب
هالليلة صار الوداع يا حيدر
ليلة حزن بيها الوصي ما تم صيامه
ليلة قدر من كل سنه أكبر علامه
يم بابك الأملاك اجت وي اليتامه
هذا الأمر مابي عذر يوم القيامه
تشهد عليك الأيام ياحيدر
تبجي وتنوح الايتام ياحيدر
رأس السنه بيك انصاب
ياحيدر ويابو اتراب
شفنه المصايب ياعلي من جور الأيام
ظلت يتامه ومنهو يمسح روس الايتام
مو هامك انطبرت يحيدر رأس الإسلام
ذبحونه من ذبحو علي عباد الأصنام
گلب اليتامه مجروح ياحيدر
ما صدگت عنها تروح ياحيدر
اوداعك اوداع أحباب
ياحيدر ويابو اتراب
*********
تعلم يحيدر جان ابن ملجم يطبرك
ما تحكم وقبل الجناية من يعذرك
سيف المرادي ما وصل لو ما يغدرك
أمر الله صار وبالصلاه سلمته امرك
جنت ابصلاتك مشغول ياحيدر
والعذر منك مقبول ياحيدر
ساجد علي بالمحراب
ياحيدر ويابو اتراب
*********
مأتم نصبنه يا علي بسم الموالين
انعزي مولانه الحسن ونواسي الحسين
وشيعي هذا اليوم الك ظل يهمل العين
وي هامك اليوم انطبر ياحيدر الدين
شيعتك وتظل خدام ياحيدر
يا اول بهل الإسلام ياحيدر
علم الشرع والكتاب
ياحيدر ويابو اتراب
*********
زينب وحيدة ياعلي ابهاي المسيه
ما تحمل افراگك عگب عين الزجيه
بيمن يحيدر بيها وصيت الوصيه
ظلت غريبة يا علي بالفاضريه
زينب سبيه بالشام ياحيدر
دارت عليها الأيام ياحيدر
وتعاتب وياك أعتاب
ياحيدر ويابو اتراب
منقول ...
ونسالكم الدعاء
رد مع اقتباس
المشاركة الأصلية كتبت بواسطة ميسانية
