علي دهش (وين الله ويطلكونج)
يبنت الناس مغصوبة وخذاج الشيب
طلاك التنغصب مريود مامش بيه حرام وعيب
#وين الله ويطلكونج
واجيج بلهفة المشتاك واشتم حظنه من حظنج
وافززلج سوالف طيف
واهوج حسرتي البجفاج لو ذبهه بشته يخضر نهار الصيف
شنو ذنب الجنيته وللغرب صرتي
وشنو ذنب الجنيته وخربوا زفتي
وشنو امه تجي لامي وتسولف بيج يسوه الدنيه كلهه ياوجه جنتي
الج بيه كلام هواي انه انسان مو حاقد
البطنج حرام يعيش اذا يلكاني مو والد
انهدم حيلي لمن كلتيلي مد ايده وسطر خدي
ماعرفوني من طبيت اختي تباوع لمكفاي صاحت ياهلا بجدي
ضوه عيوني احسه ابعدج مشيب
وراس السالفة من ايفوت يم شماتنه محدب
اصبريلي ولو كد نظرة العميان
واحققلج حلم فحطان
وابنيلج بروحي انسان
وافزعلج عراضة شاب عد معدان
انه متانيج واتامل ترجعيلي
خلف الله على ضلي هواي من امشي يتجيلي
وحكج من اشوف اثنين مخطوبين اتحسر
ولو يم المحاكم جيت اضلن بالهوه اتعثر
مو اهلج انه بتربيتج المتعوب
ييوسف وانه الج يعقوب
انه الشايل بروحي ذنوب
انه ملبس صفنتج ثوب
اجيت ووالدج ماراد كال عليه مايهوه
المايملك غناوة مال هذا انسان مايسوه
وحط شروط صعبه هواي بس وفيت وانه ابجي
حجيلي الاخرس كال كتله وداعتك يحجي
لو حاجاك اي انسان تاخذ منه بس فكرة
الاخرس من ياشر هيج هذا السانه بالفطرة
وقنعته بالاطرش عود يسمع كل سوالفنه
تلكه اذانه بعيونه ويجي ويشوف ويفسر شفايفنه
كل هذا وخذاج الماله واهس بيج بس راداج للكشخة
مو مثلي اضمن زلفج بروحي اخاف من الهوه يطخة
هو منيله ويعرف حضرتج ياس
مايدري الهوا يكشخ زفيرج لو غبش للناس
دخول ولاية الوردات كومة احساس
رد مع اقتباس
المشاركة الأصلية كتبت بواسطة زينب الشامي
