هنا

[فقار الكرخي]

شلون أشك بعصمتك وإنتّ الرسول
وصّفّك قران ناطق يعني دين
يعني حبل الله ويكول إعتصموا بيه
شلون مو معصوم يعصم معصمين؟؟؟
لا يسيف الله غيرك ما كو سيف
حتى موتك هم ثبت للعالمين





بالصلاة ضربوك بس ساجد بقيت
وكان راسك منشطر نصف انشطار
ومثل سيفك سيدي شويه إنحنيت
وما تميز يا هو بيكم ذو الفقار



اعله نيتك ياعلي ونيتك مصفايه
عليك وموعليهم نزلت الآيه
واذا كرهوك فدوه الطولك يروحون
البوجهه نقص ميحب المرايه !!




انت الاول ياعلي وشنهي الجديد
نطفتك غير الله مستنگيهه
ياعلي وحتى الصور لوعدهه ريج
اتبلعه من تسمعك اتحاجيهه
يمن رديت الشمس بجفوف اديك
ماترد الموصل الراعيهه
ياعلي انوصيك بهموم العراق
بروح ابو طالب عليك اگضيهه





علي باب لكل علم كال الرسول
وعلي كل مفتاح جنات النعيم
وعلي كل ايه يسجله بحضور
علي بسم لله الرحمن الرحيم




مكان العفته فارغ سلف ما ترسوه
مكانك ينترس لو بيك لو ب الله




الليلة اخر ليلة يمنة وباچر يروح
باچر تغيب الشمس تشرق جروح
باچر نصبح يتامى
باچر اشبه بالقيامة
باچر يفز الندى
تهدمت والله اركان الهدى
ياعلي دخيلك ابقة يمنة ولاتروح





شگد جبان الموت اجالك بالصلاة
لو سبع وجه بوجه بس يدري بيك..
انت من ظهرك علي اعدائك تخاف
ياهو هذا بالوجه يكدر يجيك..




يا علي في مدفنك عندي شكوك
صغيرة لأن النجف ما ظن تحتويك..
انت ما مدفون ابد بارض النجف
اعتقد هي النجف مدفونة بيك..





راح
ازورن
صورتك
ماعندي اجيك





راسك القرآن بس محد قراه
وإنفتح بالسيف مو بالبسمله
يافقير ومنزلك مثلك فقير
وما كو واحد أعلى منك منزله




عـلي شـويه الـزلم والوحـدك انته هواي
الصـدگ بـي غيـرتـك مايـلبد بعـمره
اليشــبهك ياعـلي تتچــوه منـه الگـاع
ويحـتر الرصـاص اليخـطف بصـدره
ولــدك بالـمگـابـل ياعـلي يـونـسـون
من تـلمـض تفـگـهم تخـسف الگـمره
زلم صارت كصصهم للشمس نيشان
ولـد بـيـض النـوايا وجـوهــم سمــره




وي طرت الفجـر وتخورس الآذان
وجبـريل ابمجانــة الآذن وكبــر
صاح الله واكبر يا اله الكون
غدروا بالإمام المرتضى حيدر

[المتوكل علي]

صلوات الله وسلامه عليه ورضي الله عنه وأرضاه
هي الليلة الأخيرة التي تطرق فيها أبواب اليتامى في الكوفة ، والليلة الأخيرة التي يمسح فيها على رؤوس الأطفال اليتامى ..
يا أبا الحسن ياعلي ، امسح بيدك الحانيه على كل مريض و ارزقه الشفاء والعافيه يارب وكل مهموم ومديون ومبتلى وكل من له حاجة سيما شيعة أمير المؤمنين ع..
عن رسول الله (ص): قال: يا علي انت المظلوم من بعدي فويل لمن ظلمك واعتدى عليك، وطوبى لمن تبعك ولم يختر عليك. يا علي انت المقاتل بعدي فويل لمن قاتلك وطوبى لمن قاتل معك.
صدق رسول الله
مأجورين ياشيعة أمير المؤمنين (ع)
تحية لك ولقلمك اخي فقار الكرخي

[MiSsO]

جميل جداً ما نشرت اخي جزاك الله خير الجزاء

[مِـيهہرَمــآهہ ♬✿]

بوركت اخي العزيز

[فقار الكرخي]

منورين

[فقار الكرخي]

بده يطفه النهار وينخطف لونه
چيف الليل راح يبچي بعيونه
علي يودع اليتامه اليوم بالمحراب
بعد يومين حيدر ما تشوفونه

[آيـــــة]

السلام على امير المؤمنين بوركت اخي احسنت النشر

[حہيہدر الہبغہداديہ]

كالعادة إبداع رائع
وطرح يستحق المتابعة
شكراً لك
بإنتظار الجديد القادم
دمت بكل خير

[بلاسِمُ الأدب]

رهيب

[مِـيهہرَمــآهہ ♬✿]

السلام ع يعسوب الدين
هالايام نحتاج هاي فقار