جـوة السـوگ...!
جـــوة الســوگ
رخيص وطيب ومحـروگ
جـوة السـوگ...!
يوميـة نبيع اعزاز جــوة الســوگ
بس امي شريفـة وكلهـة بينــة تبـوگ
الحوزة ...تبوگ
الساسـة..تبوگ
الگاع...تبوگ
هاي گبور ...ثوب الگاع مـا مفتوگ
مامفتوگ...!
طحنة ومـامش صملــه
رخصنـة بعين باب الله
انسد باب السمة وضلينة متعلگين
بلكت باچر ايفتحون باب الله ونطب ميتين...
نزحنة للسماء ارواح
ولگينة الله ولا مرتاح
من باعونة جـوة السـوگ
جوة السـوگ
آثارية العمر صنـدوگ
آثارية الگبر صنـدوگ
أعرِّفت الينتخـب يندم
دية الحبر ثاري الدم
واعرفت ارواحــنة البـالكـوؤس...
وياهوة اليعجبة ايضـوگ
واعرفت احنـة انولدنة گبور
جوة السـوگ عدنـة گبور
تلگانة اعلـة كل شبـاچ صُم نذور
تلگـة بكل فرع عـاشور
چا يمتة العشيرة تثور
جـرو چم عباية وهلهـل الشيب
وذبو چم حشـد بالبير وردينة اعلة ذاك الذيب
ماادري شخذاهة الناس
يبچون اعلـة ذبح الياس
ويضحكون للحـطاب...ويگولون صـوچ الفاس
كافي انداس
كافي انداس
انتو شجابكم لحسـين..؟
نسوي أحزابكم حـذوة لفرس عباس
چا وين الملح ياگـاع
الضماير فشلـة من تنباع
ذلـة جنـازة الينبـاع
رخصنـة وصعد سـوگ الخام
الابيض لــو چفـن لو عالسفينـة شراع
شحال ام الوحـيد ابنفجـار وراح
من ايمـرهة عوز وهوة مـامــوجود
تعـرگ صـورت الچادود...!
طـگ سدر المـرز والبـاث اجـاه الزود
عـــراق انكـت عبـاتك گـوم مختـاض
گلهم چايكم مـرجوع
گلهم يـردن الظلوع
ياعريس...؟
ياصيوان...؟
قاسم بالحشد مكتول
وسكينة فلوس ماعدهـة
لصوانيـة تجــيب شمــوع
رد مع اقتباس
المشاركة الأصلية كتبت بواسطة خادمة العترة
