~ إلهي ~
إلهي ...
أعوذ بكل عشگ لحسين من طاري الحرب عالناس
إلهي ... أعوذ بكل عصافيرك. ..أعوذ بريحة الجمار من كل دم ... من كل نار ..
. من كلمن ضحك للفاس
يالشموعك حرز ظلمة .. وأغاني زغار مديوفه بحزن جبريل
واحنه بلونك نغني گبور اطفالنا ازغار وخذاهه اللون
كبر بيهه الضوه ...وبين عليهه الياس
يالعيونك امان الناس ..
عطشانين... راوينه قميص حسين
ذبلانين ... جلمة بشفة العباس
إلهي.. الليل مو شباچ للنجمة هذا الليل ياخذ كلمن يتانيك ...!
وعالشرفة ... وخذاني الواهس لگلبك لگيت الناس عندك بالدعاء اخوان..
ولگيت القرية متهومة ببنيتهم السمره ..؟ثاري العشگ من يكبر فضيحة يصير عند الناس
ياخذ دم البنيه ويصعد للعرش قربان
وانت تروض المذبوح وتغطي الدمه بفردوس ..
لا حزنك.. ولا عشگك .. ولاطولك يلمه الماقره الفقره ...!
إلهي الدم عراقي
واحنه بدمنه متهومين والحطاب رافع راية الشجرة
إلهي الفقره خط أحمر جزه على ارگابهم مرة.
أثاري الفقره مذبوحين
أثاري الناس جوعانين ... أثاري انت الرغيف الحار ..!
غابة وطولك مبين .. حلم للناس والجنة على ردانك
والتايه يريد جفوفك تدليه وانت حسين نيشانك
الهي. المزگوا ثوبك لگيناهم ...يخيطون بقميص إبليس ويغنون نحر حسين عيدية..!
الهي الثورة مو هي..اثاري الثورة هم تنباگ..!!!
رد مع اقتباس
المشاركة الأصلية كتبت بواسطة ريومه
