شعر عن الامام علي (ع)، لطمية مكتوبه ، شعر شعبي عراقي
ناده جبريل الأمين/من وگع ليث العرين
تهدمت والله أركان الهدى
****************
من هوه الكرار وبشهر الصيام
چنّه طاح القدس والبيت الحرام
ما گدر يكمل صلاته من قيام
صابه أشقى الأخرين/يتبع اشقى الأولين
وارتقى نحوه السماواتِ الندا
تهدمت والله أركان الهدى
****************
سار وبخطوات يمشيهه بثبات
متّجه للمسجد يأدي الصلاة
طلگ الدنيه ومتاعب هالحياة
رفع طرفه للسماء/ الليله البّي هالنداء
لاجل دين الله كل عمري فدا
تهدمت والله أركان الهدى
****************
گلّب انجوم السمه يسرة ويمين
گال ليلة موعدي بحق ويقين
بهالوعد واعدني سيد المرسلين
من دمه الهامه خضيب/ ويرتفع صوت النحيب
فسّرَ الصخر الأصمِ ذا الندا
تهدمت والله أركان الهدى
********************
راجَع الأيام ايام المحن
ومن بعَد ما يجره لحسين وحسن
وهلّن ادموعه عله حال الضعن
وهزّه حال ام الخدر/ بغربه يحديهه الشمر
وجهها للناس رغماً لو بدا
تهدمت والله أركان الهدى
*****************
گال اريد ارتاح ويهيد الدليل
شبگ أيد الحره وي أيد الكفيل
هذا يا زينب عليه حمل الثجيل
بالمسير الكربلة/ هو يبره الراحلة
بعدهُ أنتم سبايا للعدا
تهدمت والله أركان الهدى
******************
غمّضت عينه وأنينه من سكن
چن سماوات العلا الفگده هوَن
وبالگلوب الوالهه الوالي اندفن
رمش عينه من طبگ/نشعر الكون انطبگ
غدروهُ غيلتاً أهل الردا
تهدمت والله أركان الهدى
******************
الشاعر قاسم المندلاوي
رد مع اقتباس
