يصح واحد بربري
يصح واحد بربري
ويصح واحد طرطري
واكو واحد لايف وراجع گري
واكو واحد خوش يحجي وبالسوالف عبقري
بالضبط ..
مثل الجعفري
واكو واحد ماد السانه متر
بس يفتري
واكو لزكة وحيل لزكة وحشري
واشكال تلگة يبيع بس ما يشتري
واكو واحد يشتري
وتلگة واحد مومن ..
ومليون مؤمن سرسري
وتلكة واحد وجهه واحد ما يغش لو يفتري
اواحد يراويك مسقول ويبيعك گرگري
هاي البشر ما تنحزر واسرارهم ما تنقري
واحد بشر مثل البشر والثاني شكله بشري
واحد نبي واحد وصي واحد عجل يمشي على راي السامري
والمجتمع محتاج يمكن بيطري
المتخوم يعرف علته لازم اذانه تنفري
واحد مدعدش كصته
واحد مشرشب كذلته
واحد عسل واحد شري
واحد ينشف دمعتك
واحد يجريها جري
خلطه عجيبة هاالبشر
اشوري واحد بابلي
كلدوني واخر سومري
واهل الحضارة الخالدة
ومابينه واحد حضري
ياهو اليجي نصفگ اله
ونردحله ردح الغجري
يومية ونبايع علي
بس بمزاج الاشعري
هذا الوطن زرق ورق
بيه موصلي وبيه ناصري
وما يمتزج لون الدمة
و يبوس راس الخنجري
وهاي الطلابة الما تفض
نعلة على روح الطبري
لازم نكص جف لو رجل
هذا البلد بيه گنگري
منتوف حظ هذا الوطن
بيه كلشي راجع قهقري ؟
ومحمية هذا مو وطن
كلمن نفخ صدرة اسد
ويصيح وين الصرصري
باجر اهج برويحتي
ونيتي گبل للمشتري
وارفع لوحدي لافته
مكتوب صرصر سومري
ارحموا بحال الصرصري
خرط برط
رد مع اقتباس
المشاركة الأصلية كتبت بواسطة التميز عنواني
