للآخر اسمعني........... اشراح احاجيك
اوتَحَملني .........طبع روحي الصراحه
القصيدة سلاحي هيه ... وبيهه اعريك
وانه امْعَلم القوافي ...... اعله الوكاحه
كظمت الغيض عنك ... صارلي اسنين
وطُفَح غيضي .... ومنو اليكبح جماحه
وحبسته ابصدري من غصبن عله الروح
الكلام ......... وهسه راح اطلق سراحه
متوصل مستواي ........ اشما بلغ بيك
الغرور ..... ومهما تملك .....من فصاحه
حية ماي................ انته وغرك الصيت
أوتَعَلْم الحوت جاي ..... اعله السباحه?
ويه راسي اتخلي راسك .. رايد شلون ؟
الغراب..... ويه النسر....... يفرد اجناحه
الفَخر مو للسكَف .........لو عِله البُنيان
المُهم الساس .... مَتْهم ...... المساحه
الرَجْل باخلاقه يكبر ........... مو بالارقام
اويتمَيز على الناس ................ ابكفاحه
دَليتك عله العنكَود ............. يا حيف ?
شو جفك سُبَكَني ............ وكَبلي لاحه
ومثل مَـْتْوَقعت .......... من عدك الكَيت
والأحسان ................. جازيته ابكَباحه
ماتعبان .......... أبشرك .... رغم الجراح
التعب ميعرفه .......... بس الضاكَ راحه
رد مع اقتباس
