لا تجين
(((ولاتجين)))
وضلي بين الشوك شدة ياسمين
وابقي بعدچ سولتچ مافاده شوگ
ولاحچي ومرسال واشموع وحنين
وهي عادي شصار (شاب وراح اموت)
وضاع تعبي وياچ بحساب السنين
(((وعادي اصلا لاتجين)))
وحدي عايش مختنگ صدري بهواي
ورافگيت النوح والهم والونين
عادي اصفر لون وجهي ومستحاي
وانتي ضلي براحتچ تتلونين
وسهله اصيرن سالفه بحلگ الجهال
وبيتي يصبح دار راحة تايهين
وسهله تصبح راحتي بشرب المدام
واصلي مسلم وانحسب ع الكافرين
وحدي اگظي الليل ماخذني الشرار
وصوت وني يعيل بأذن النايمين
وعادي عمري يروح بعدچ بلعذاب
غاليه وتسوين ياصمة الطين
حسين ألعقابي
رد مع اقتباس
