هنا

[نـرٍجٍـس آلُِـمـوُسـوُي]

شلونچن سنادس عيني
جبت مجموعة من الأشياء دير بالج تسويها

ا نبدي بسم الله
١) عزيزتي اكبر غلط تسوي من ترسمين الحاجب بقلم ماجك اكو شدوات هواية نزلت للحاجب والوانهة كولش طبيعية وحلوة وحتى الأقلام النزلت الوانهة كولش طبيعية فالماجك يخليج تصيرين حالج حال الي مسوية تاتو كولنة نعرف التاتو شون محلو وبي لمعة وثخين وطوخ كولش يعني نششاز

٢) حبي لاترسمين الشفة عود دتكبرهة وتبينهة منفوخة فشسوي تصعد بالحمرة وترجع ليورة وبس تاكل شي يبين الفرق الفوك يصيرتحديد ثكيل والمنطقة الي بالوسط فارغة مابيهة حمرة

٣) ياورده الورود كريم الاساااااس والله اذا اخذتو فاتح مراح يبيضكم احسن شي تاخذين قريب لبشرتج حتى يصفيهة مومهم تصيرين بيضة طحين شحلاتج وانتي سمرة ووجهج صافي وحلو فضروري تاخذون فاونديشن يناسب لون بشرتكم ولتجربو على ايدكم جربو ع منطقة اسفل الخد

٤) ديربالج تسوين المصيبة العظمى من اشوف بنوتة لابسة كولة نفس اللون حتى الأكسسوار هذة موترتيب ولاأناقة هذة شي كولش محلومن تلبسين الوان فريش وحلوة صيفية الوردي وتدرجاتة البيج وتدرجاتة البصلي الوان هيج فرايحية احلى بس تدرجات مو طفرة من لون الأصفر للأحمرحتى الجنطة والحذاء موشرط نفس اللون كسري بالألوان حتى لتبينين مرة جبيرة

٥ )كبدي لا تخلين عطر وانتي مبدلة ومكملة عود هاي اللمسة الأخيرة متدرين اثرالعطرحيبقى ع الملابس ويطكع وكتهة شراح تسوين فأحسن شي قبل متبدلين خلي فازلين شوية ع مناطق الترشيلهة عطر حتى يثبت وهم ميخرب ملابسج وردة

٦) حبي الماسكرا والأيلاينر ع الرموش السفلى غلط حيبين عينج اكثرضيقا يعني (زرف جفجير)وياويلي لوخليتيهم بالصيف ويسيحن من الحر تطلعين جنج الجوكر احلي شي لون البيج داخل العين وفوك لاينربسيط وموثقيل تبينين سمبل اكثروعينج تكبر

٧ )حياتي ابتعدي عن الكلتر (اللماعي) اذا متعرفين تدمجي وتخلين علبة كاملة ع عينج ومتخلي بكمية قليلة حينثر ع الوجه وتطلعين عبالك رايحة حفلة افضل الوان هادئة الترابية البيجية الخوخي المشمشي البصلي الرمادي الدخاني الجوزي الفاتح احلى الوان تبينج اصغرسنآ

[تـمــيــڒ]

الف شكر الج
اختي ع النصائح