لو روحي غيمة تصير وتمر عليك
من عدهة كَطرة ماي اوكَع وأجيك
ارحمني اترجاك تطلب اكَلك هاك
بس لا تكَلي أنساك يالروحي بيك
أتمنة روحي تروح يمك تعد جروح
منك تشم الروح نسمة هوة
تجرح اكَلك صار ذنبة الدليل اختار
نار العشكَ والنار موت وضوة
نام مرتاح وكون تحلم لو غفيت
شوفني بحالي شجنيت
تدري بية شكَد بجيت نام مرتاح
وين الافراح أرحم جروحي بدواك
كَلبي مات وما نساك
عذبت كَلبي بهواك نام مرتاح
يا كَمر ليش تهجر حبيب
والحزن جيش يغزو الغريب
بكل آه اشوفك جاي
ضامي ويدور ماي
حن يا جرح دنياي بلجن أطيب
كل وحشة والهة حدود يا غايب وموجود
محتاج اكَلك عود نكَعد سوة مناوب على الايام
اصحة ودمعتي تنام مدري الزمان شضام للبيه هوى
تكَضي وياي اضرب جفوف ومثال
كَال ذاك وهذا كَال
مكابر وصفنة ودلال تكَضي وياي
تريدني انساك وانت صرت بعيني شوف
انتة ومضة وبية خوف
جرحي ما يلتم شروف تكَضي وياي
للوعد صوت لازم يصيح
حتى اليموت ما مستريح
مسايم عليك حسين
دليني كَلبك وين
اني الجنت ما لين
تحركني ريح
حالف اذا الاكَيك اشمرهة روحي عليك
خاف الهوى يمر بيك وانت الهوى
يبجي على حالي الحال ترس اذني شامت كَال
اليزرع هوى بدلال يحصد نوى .
للشاعر- ابو محمد الحميداوي
رد مع اقتباس
المشاركة الأصلية كتبت بواسطة خادمة العترة
