هنا

[فقار الكرخي]

لطمية للأمام علي (ع)
*************************
اليوم نشيعك/ اليوم نودعك
جرحك ينزف يا حيدر/ بسمك نهتف يا حيدر ************************
أثگل من جبل عالروح / يابو الحمله هذا اليوم
واملاك السمه حضرت/تشييعك والدموع ادموم
نزلت تلبس الأحزان / عله نعشك حزينه تحوم
مضيت ولوعتك بينه/ تكدّرنه بليالي الصوم
فگدك مايهون/يا قطب الكون
بعدك كل شيعي اتكدّر/بسمك نهتف يا حيدر
***********************
سد سمعه الدهر عنك / وانته القبله والقرآن
حالف من رفع رايه/ تخالف مبداء الرحمن
وضل هذا الحلف باقي/ ولابس ملبس الأيمان
شيّد دوله للملحد/ سلطتهه بحقد واضغان
ظالم يحكم/يعمل ضدكم
جمرة بُعدك تتوجّر/ بسمك نهتف يا حيدر
**********************
شلون نودع اللي چان /خيمه وتجمع الأيتام
خلافك تشعر بوحشه/ وهيّه بكفلتك أعوام
مدلل ما جفاه دهره/ بحضن جودك عزيز اينام
من ودّعته ما مرتاح /الموته اصبح يعد ايام
هموم اتحمل/ وعنك يسأل
الكون الهالموقف كبّر/ بسمك نهتف يا حيدر
********************
چنهه غابت الأرواح / لمن شيعت نعشك
بكل زفرة نِِفَس منهه/بضلوعه الگلب ينضك
صحيح المرتضى راحل/منهه وانطبگ رمشك
بين الصحه والتكذيب/صوّب هالعقول الشك
منهو اليعقل/ نورك يرحل
راعي الكلفات امگنطر / بسمك نهتف يا حيدر
*********************
مثل حزن النبي يغقوب /عله يوسف حزنّه اعليك
غايب والگبر وجود/من انشوفه ننظر ليك
گلّي بيا قميص امسح/عيني وتبصر بطاريك
وآنه الشوفتك ولهان/ وگلبي الهايم يتانيك
يجرح بينه /ويأذّينه
والكون اويانه اتكدّر/بسمك نهتف يا حيدر
*********************






خادم أهل البيــــت (ع) قاسم المندلاوي

[تـمــيــڒ]

رووووووعه
شكرا لك
سلمت