غرائب العائله العراقيه .....
الحلف( اليمين ) في العراق ........كثرة الحلف من مزايا العراقي في حال صدقه او كذبه او مزاحه وهناك انواع من الحلفان ما انزل الله بها من سلطان وليس لي اي علم من اصل هذه التسميات ....
* وحكّ هذا الله ............... ( اقوى حلف )
* بيناتنا الله ............... ( هذا تأكيد على حلفه )
* وعَلَمَه لمحمد ....... ما هو هذا العَلَم ؟؟؟
* اكمع جهالي ........ ماهو ( الكمع ) ؟
* بستر خواتي ........ ( و يطلع ما عند ه اخوات )
* وروحها لخالتي .......... ( هذا اذا عنده خاله )
* والحمزة ابو حزامين ........... ( كيف عرف انه لابس حزامين )
* بعرضي ......... ( يقصد عرض اكتافه )
* و روح ابوي ...... او و روح المرحوم ... (اي مرحوم ؟)
* وروح ابوك الماشافته عيني ...... ( شلون تحلف بي اذا ما شايفه )
* يكرم الله ......... ( على اساس انه لا يحلف )
* و مكان السيد ....... ( يا سيد ؟؟؟ )
* وروح الغالي ........... ( هذا حلف جذب ميه بالميه )
* و راسك ........... ( على اساس حالف براس بصل )
* وهناك حلف خاص لكل امام و سيد و شيخ و حسب انتماء واعتقاد الحالف .
** ماذا يميز العائله العراقيه .....
* وجود جيس ( كيس ) بالمطبخ اسمه جيس الاجياس بي فد الف جيس ( نصهن مزّرفات )
* الاب دائما يسب بنفسه .... ( انعل ابوكم لابو الخلفكم ) .
* العائله كلما يطلعون لازم يختموها بعركه .
* لازم اكو كوب بجيس التمن .
* ضوه المطبخ دائما مشتعل و بس يطفه اعرف ان اليوم خلص .
* يعوفون اضوية البيت مشتغله من يطلعون حتى ( يخدعون الحرامي ) .
* دائما غطاء الريموت لو الريموت ضايع .
* ملابس العائله بس تصير قديمه تتحول الى وصل مسح .
* علبة الماكنتوش من تفتحها بيها بكرات وابرخياطه .
* المزهريه بغرفة الخطار لازم بيها مفتاح و ماشه وفلوس نقديه قديمه و ورقة الكهرباء و شريط براسيتول فارغ و باتريات معضعضه واوراق بيها ارقام تليفونات ما معروفه
* بالثلاجه لازم اكو نص نوميه حامض .
* مقراضه الاظافر دائما ضايعه و ندورعليها من انريدها .
* كلاص الجبن من يخلص يصير كلاص للمي و الجاي .
* يوم الجمعه الغده لو دولمه لو سمج .
* الشامبو من يخلص يحطون بي ماي .
* اكو صابونتين لازكات على المغسله .
* القاب داخليه بين افراد العائله ( ابو راس و ابو خنينه و ابو بوله ) .
* لازم اكو واحد خبل و واحد شاطر بالعائله .
** ماذا يوجد في سطح البيت العراقي :
* لعابة مقطوع راسها وكانت للبنت الكبيرة وهي الان أم لاربعة بنات .
* 10 طوبات وكلهن ( بنجر ) .
* بايسكل بي بس تاير واحد وصاحب البايسكل صار حاليا اب او جد .
* طابوك وكاشي من بقايا اعمال ترميم بالبيت قبل 20 سنه .
* قواطي بويه يابسه .
* مجلات وجرايد قديمه .
* منقلة شوي مكّسره وبوسطها جيس فحم .
* احذيه ونعل انواع واشكال و( اتحداكم اذا تلكون زوج متشابه ) .
* صناديك ببسي وحليب معقم مال ايام زمان .
* حبل نشر ملابس منتهي من الشمس .
ومع كل هاي الهوسه اول منصعد للسطح لازم نعثر بشي ......
و دمتم بالف خير .
*** الموضوع من عدة مصادر.........
رد مع اقتباس
اكثر شي ضحكني المكراظ هواي يضيع