هنا

[إبتسـامة فـــآترة]

سلام حبيبتي ..
نصيحه لوجه الله ..روحي للمجال اللي ترغبين بي ومعليج بالقال والقيل هذا مستقبل ..
الحجي سهل ترا ..بس الفعل ...لاأأ
اني عن نفسي رحت علمي ..
لان اولا تاريخ ميلادي اخربط بي مو اكعد احفظ تاريخ الغزوات والفتواحات
وتعالي ارسمي الخليج العربي وخارطة الفلبين هم
رحت علمي والعلمي كولش حلو ومرن وسلس ..
اشياء معقولة تفهميها .. علما انو اني ساعات دراستي متتجاوز 3ساعات كل يوم وكل سنة اجيب يامعدل 96 يا97
كولش سهل العلمي والله ..

بس من ناحيه السادس تحتاجين جهد اكثر لحتى تطلعين معدل يأهلج للكلية الزينة وترا كل الكليات زينة سواء علمي او ادبي
بس اذا تردين مستقبل وتعيين فبعراقنا العظيم بس المجموعه الطبية يتعينون
اختي مخلصة ماجستير فيزيا وذيج هية مكابلتني وكاعده بينما لو مجموعه طبية جان اتعينت ..

ومن ناحيه اخرى اغلب المثقفين والشعراء مثل مذكرت كات همة ادبي ..
فاذا عندج طموح تصيرين شخصية بارزة بالمجتمع وكاتبه او ناقده روحي ادبي ..

وهذا كلامي اكيد ليقدم وليأخر لان كل واحد وقناعته ..وانتي بكيفج بعد

[ديره ورد]

اختي العزيزه روحي للفرع الي تكدرين تتميزين وتحققين معدل بيه

[زهرة الارجوان]

حبيبتي انصج ترحين انتي الفرع لي تحبين وتحسين
ممناسب لج فا مالج شغل بصديقاتج هو مسقبلج مو
مستقبلهن ...العلمي بهذا السنوات صار كشخة والله
اني علمي يعني (اينشتاين) ...يفكرر االعلمي فد شيء
لا اكو بعض طلبة هم مستقبل بالعلمي او طموحهم
رغم اني احب فرع الادبي بس مااحب مواد ...شنو
تحبين انتي روحي محد يفيدج حتى صديقاتج
تحياتي لج

[زهور قد تفتحت]

روحي علمي احسن تكدرين تحصلين هندسه اذا متكدرين عالطبيه وشدي حيلج معليج بأي واحد واذا تردين أدبي روحي عادي وهو مو للكسالى بلعكس اي واحد يعجبه يروحله وهن اذا راحن إحياء معتقد يطلعن طبيه فليحجن احسن هسه اني درست علمي وهسه هندسه الحمدلله

[هدوء الياسمين]

حبي اني هم ثالث و السنه الجايه رابع
بس اني اكولج انتي شنو تفضلين روحي عليه و معليج بكلام الناس لان انتي الي راح تدرسين مو هم
و بس اعرفي انو هذا متعلق بمستقبلج و انتي يا قسم تفضلين فوتيله
ولا عليج من احد

[جورية]

وشبيهم التربية
كنت اعتقد بس اني أكره التدريس مع انه اختصاصي

ما بيهم شي سلامتك بس جاي اكول ما احبهم

[Emo Black]

لخاطر الله روحي ادبي اذا معدلج من 90 وجوه .

العلمي مو لعبه .. وبعد كم سنه الصيدله والطب والهندسه يردن من 96 وفوك .
عندج قابليه لهالمعدل ؟؟ اذا عندج اوكي لعد ماكو مشكله ... بس نصيحه نصيحه الادبي احسن ..
اسئل مجرب ..

[حسين الايطالي]

اني الشخص اللي امامج علمي وحيل اتبهذلت يلة نجحت
جبتهه دفرات وبوكسات يلة نجحت وطلعلي ادارة واقتصاد
على كل انتي روحي حسب رغبتج ماعليج بالقيل والقال
اذا تحبين الدرخيات روحي ادبي اما اذا ترغبين حسابات وفهم وهالسوالف اكيد علمي
وموفة ان شاء الله

[زينب الشامي]

عزيزتي
الي يريد ينجح،،،ويتفوق
أكيد ماراح تهمه علمي او ادبي
انتي شوفي نفسج أذا كنتي تحبين مواد الفهم او اذا كنتي تحبي الحفظ
وامشي برأيج لانو انتي حتدرسين مو أهلج حتى وأن كانو يردون مصلحتج
بس اذا دخلتي شي متحبيه مراح تتفوقي فيه

[saif Al_aboudy]

كل شي يجي بلدراسه اني من جنت بلثالث متوسط جنت اكره الرياضيات والانكليزي واحب الحفظ ........بس صريت انو اروح علمي رحت علمي وصرت مبدع بلرياضيات وطلعت بلرياضيات 100 ولانكليزي 83 قبل اربع سنوات من جانت المواد صعبه ورحت هندسه وهس تخرجت كلشي يجي بلدراسه ماكو شي اسمه ذكاء ...اكو شي اسمه دراسه وشلون تعرفين تقرين اخيتي والعلمي كلش حلووووووووو ...