اني ثالث وهاي السنه اخلص واروح اعداديه ودا افكر علمي لو ادبي
بدا التفكير من الناحيه المواد اللي احبها وبديت اقول لصديقاتي وين تروحون 95% احيائي
كأنوا عبالك الطبيه سهله المهم اني كلت اريد ادبي وهجمن عليه قالن ليش انتي شاطره الادبي بس للكساله وطربكه
الدمعه نزلت من عيني رحت لاهلي امي واخويه كالوا روحي ادبي علمي صعب عليج لكت لابويه كال علمي بيه مستقبل مع العلم اقاربنا 45% علمي وكلهم لاشغل ولا مشغله
والادبي مابيه مستقبل مع العلم هو مدرس تاريخ 35 سنه لاعداديه ولمن تسمع الناس رأيهم بالادبي كأنو هو شي قذر نبتعد عنه والعلمي شي مقدس
واذا جبت 50 بالعلمي يكولون حقه صعب و 90 ادبي يكولون هو سخيف المفروض 100 ,
ليش هل النظره للادبي ما انكر ان علمي اصعب ومجلاته اكثر لكن هذا ما يعني الادبي تافهه مع العلم اكو ناس تدخل علمي تحقيقا لرغبه الاهل وحتى لو همه ما يحبوه وايضا سأألت بعض الطالبات قالوا اهلي يردون هيج والنتيجه الفشل بعد اسبوع يحولون ادبي او لمن يرحون الجامعه المعدل قليل فيرحون تربيه
اغلب الشعراء وسفراء ورجال وسيدات الاعمال ادبي , لماذا الاستحقار ؟
خلينا نشوف اراء وهل مررتوا بمواقف بسبب التخصص الادبي . ورائكم ؟
رد مع اقتباس
دخلناها حتى بالدراسه هع 
.... بس هاي الناس ... تأخذ بالمظاهر ...
نصيحتيّ روحي للفرع الي تحبيه ومعليج بكلام الناس... آني رحت أدبي وحلو الأدبي وحالياً صرت سادس:$ ....والمواد حلوة
المشاركة الأصلية كتبت بواسطة Mohammed Ameen
