هنا

[فقار الكرخي]

وحك ذيج الوحيده ولفريده
يغثني الضحك سنه ولفريده
يلاهي اليوم منك ولفي اريده
لان فركاه سوه اطفوف بيه




جفه خلي بوداعه الجسد خلاه
نحيل وبس طواري الحزن خلاه
اشوف بعيني كلمن حاط خلاه
بصفه وانه شابك بس اديه





العسل بموادعه رايد يمركون
بريجي ومو هدم فوكي يمر كون
يلاهي مونعش بلكت يمر كون
ولفي القاسمه من اسنين اليه





جفاني وشاره بينت ولفت انضار
عثر والناس كالت ولفت انضار
اجه بالي خيالك ولفت انضار
الخلك وغبش حنين الشوك بيه





على طاري الجفه المحبوب راياه
صفه والعگل لمن راح راياه
يخو زينب هذا الشاد راياه
نكر حلفانه طلع شاره اليه






مرقد والحزن بجفاك بيطاف
تسعر ناري مامش كتر بيطاف
بغيابك هيج احس جواي بيطاف
وعلي اهيس خيم ويرت بيه





اريدك لو سهم ياصاح مرفيت
الجبد وانته الذي بلحال مرفيت
ابشرك هذا سهمك فات مرفيت
وخله اضلوعي تترادم سويه





م

[سمراء من قوم عيسى]

ابوذيات جميلة
عاشت ايدك

[أوهام]

عاشت الايادي

[مخبل الشعر ‬‎]

جميل