استفاقت بيه ديره
وطور عتابي وضحكتي
ومدري ليش اتذكريتك
من مشيت اعله الصراط
بكل صفنتي
وهيه علتي
وانته معذور اعله كيفك
من تجيني وشايله
اچفوفك نهر
وحيل تحلالي السوالف
من تمر مرة گمر
وآخ يا نسمة فرحتي
الهبّت بغبشة حلاتك
مدري ليش اتعودت روحي عليك
وخضرت شهگه بحياتك
يلي بيك اسوالف الريف
ونواعير السلف
والماي
وأدواوين اهلنه
يلي بلورة سمارك
غافيه بوجنة گمرنه
اشمال املنه؟
لا وگف لمن رحل
لا من حضرنه
اشمال ليلي البيه ذكرتك
من يخلص حسره حسره
وكل شوارع ديرتي
الخانگهه شوگ اتظل تنطره
وأنه ليش؟
اتعذرك كل ما يمر طارش نهار
يلطفيت بعيني
تحرگ بيه نار!!!
رد مع اقتباس
المشاركة الأصلية كتبت بواسطة شذى الربيع
