وره عيونك ذابلة اعيون المدينة ابلايه ناس
وذابل اوياها الورد والگاع وشطوط السوالف والنعاس
يالخذيت وياك رب الماي ...
وانجيل النده او دين الگناطر
شلون ألوحك رب المشابگ بديك او أنت كافر
شلون أجيك او دربي شوک وعگلي حافي
وگلبي ماكلته الظنون...
بلا ضوه عيونك نعاس او كلشي غافي
يا تواليك ذنب قابيل ما من عنده توبه
ويا طواري اسوالفك...
ليل الحصار العثر الوادم هذيچ ابلایه حوبه
حيل وي جروحي عذبني برضاتك
حط ملح روحك عليهن واستر ذنوبي بعباتك
انت يا اول ضريح اذنوبي تكثر من اطوفك
لاهي حاجة عين مفطومة اعله شوفك
أو لاهي رغبة عثگ يستاهل اچفوفك
ولا أنت ابالي وأگول النية بيضة
او لا أنت الراكب اعنان الطيش حتى أكدر أعوفك
مدري يا هو النزلك يم گبر جرحي
وانت أول واحد العندك عنب يترس اطيوفك
مالي حيلك...
ريحك تسودن رماد جروحي ما يحمل عصفها
طشرتني وعلمتني الشوگ مثل الريح ما نندل وصفها
الشوگ ياخذني دوه الآخر نزيف
و ارجع حجاية ذليله ابغير دم
وألگه صوتك يستحي ايكشف گذلته...
او ينشتل بالروح هم
او تكبر ولايات جرحي الما عرف يمك ملامة او لا ندم
وانتشيك الخوف ياخذني وأجيك بلهفة أم
او تلتف اعله الروح صفصافة حزن..
والعين غركانة هضم
وأمتحن يم باب عينك من يمر رمشك سؤال
واشتهي النسمه التغني زلوفك بطاري الشتال
يا تنين النعمة ما بيه دلال
مالي حيل الشوگ ياخذني و ارد ابلا حبيب
ومالي حيل الناس من تشوفني تگلي غريب
سچة العشاگ ما بيها وداع
و حصة العاشگ چفن كونك شجاع
انت ماتندل جميل او من يغني تنام بزلوفك بثينه
ولا عثر قيس اعله سچه وياك یم ليل المدينة
شلون مدري شلون خاويت النده او سولفت بينه
شلون مدري شلون خاويت النده وسولفت بينه
رد مع اقتباس
المشاركة الأصلية كتبت بواسطة Dheyaa AL-Malki
