عليكم السلام ، طبيعي يكون واقعنا هذا لأن الحرامية والفاسدين يحكمونة ، يا اخي جزء من الذنب احنة نتحمله ليش عصينة أمر المرجعية من كالت (انتخبو وغيّرو المفسدين) رحنة انتخبنا المفسدين نفسهم ؟ نستاهل اللي يصير بينة مرات علمود نعرف قيمة كلام المراجع والعلماء وما نعصيه مرة ثانية .
يستاهل حييييييل وياه منو كاله يصير من الكفاءات؟ !!! ليش ما صار حرامي. . مو جاي يحكمون و متونسين .. شكراً أبو حسين
اهلا بكم في العراق العظيم .. والذي يجيد طمس طاقاته بجدارة جدا
على ذكر الحرامية حتى الخمط هم صار بيه واسطات ، ميعلموك شلون تصير حرامي اذا مو من جماعتهم ، لهذا قررت أسوي حزب وأعلم المنتسبين له السرقة والقط والخمط والتقفيص هههههههههههههههههههه رح أسميه حزب الحرامية المثقفين لأن ما أقبل الّا ذوي الشهادات الجامعية
امنيتي اتعلم اصير حرامي يا جماعة
مع الأسف وصل العراق لهذا الحال
ماكو بعد لا عالم ولا دكتور ولا عامل ولا زبال
انخبط الأخضر بسعر اليابس
تنطي فلوس ورشاوي يخلوك على راسهم
وخاصة بدوائرنه التعبانه
ماتنطي رشاوي أوكف سروات علما تحصل معاملتك منهم
حسبي الله ونعم الوكيل
يالا الاسف هذا هو حال مجتمعنا اليوم
ولا اجيد كلمات تعبر عما اشعر به الان من حزن واسا
وليش يضيع عمره بهيج بلد بائس لا يقدر او يحترمه شهادته و يستفاد من خبرته
قهر هيج كفاءات هذا مصيرها!)"
الأفضل اله لو مهاجر ومخلي العالم يستفاد منه ...
هذه الصور الموجعة ... تستوقف الضمائر الحية .. لا المغيبة
لنترك اللقب العلمي جانبا .. برغم اهميته ولنتنازل قليلاً عن ذلك
.. هذا الطابور المذل .. لهذه الشيبات الكريمة .. لنقارنه ببذخ كبار المسؤولين وموظفي الدولة !!!
ونقارن كفة عطاء هذا الطابور ... بكفة عطاء اولئك
حين تكون ألأخلاق أزمة دولة والوعي أزمة مجتمع ..... اقرأ سلامك ع الدنيا
.........
اللهم احفظ تاج راسي بعد وبعد !!!!!!!!!!
رد مع اقتباس