قدر مكتوب حبك منت قسمه
الواحد ماله قسمه من تقسمه
لون بسيوف كلبي من تقسمه
تشوف محبتك شمسويه بيه
اليالي شهود اذا ناسي وعينك
بلكي تعود للماضي وعيدك
شعلت شموع ميلادك وعيدك
وفرحت وياك رغم الجرح بيه
حنانك ماوصل مره لحناني
قسى كلبك **ر هجرك حناني
اذا شموع الفرح يمك حنه اني
الشموع تذوب وجفوفك بديه
احسك ذاك منت ولاهو اني
ولا ذاك الهويته ولاهو اني
التهيت بغيري انت ولاهو اني
بغيرك ما افكر للمنيه
يروح الي نوده من علينا
ونسب كلمن حرمنا ومن علينا
منو ويانا ياروحي ومن علينا
تاهت ياروحي كلهه عليه
وضح من الافاعي منقي سمكم
ولا تقسمون كافي من قسمكم
سيف العشره بين من قسمكم
وبين دوركم بالمسرحيه
ابد مو ذاك انت من تمنته
واسف لعداي بين منتمي انته
طلع خاين ياكلبي من تمنته
بعد شمتاني تتلفت عليه
طير الجان برضي عله مني
وياما دروس هجره علمني
رغم جرحه وكول العله مني
روحي الورطتهه انه بديه
جنت يمي وحس الدنيا مالك
ملت للغير لولا الوكت مالك
عليه شغيرك يازين مالك
بس احجيلي طفي النار بيه
يوم 26/4/2010 عل المسرح الوطني
رد مع اقتباس
