تعاي وياي
موش الدنيا خلصانة
صح بكليبي حر چانون
بس ضلوعي بردانة
تعاي الليل شيب من ورة ضنوني
ها خطبوج
ها زفوج
ابن عمج نهة وحسموج
من كد ما افكر بيج اصبعي اتبدة بسنوني
تعاي وياي
يشجرة ياس يكشخة كلبي من سنين
يفرحة حلقة من تلبس معرسين
تعاي وياي
واترسلج خلك متروس بس افيش
وافرشلج رمل يغتاض منة الكيش
تعاي وياي
يالملكاج جنة ويالكفاج كبور
يريوك المعيدي بسدة الهور
اخطبج كون
وانطر السلف صوبين
بس كولي تعال اليوم
اجيج بواهس الايتام من تركض لبو الحسنين