مجموعة -دارميات + ومضات- جديدة 2012
بسم الله الرحمن الرحيم
مجموعة & دارميات + ومضات & من اختياري
عايش جذب بجفاك وايامي بس نوح *** صح الجسم وياي بس يمك الروح
صعبه انتظر واشتاك شوفت عيونك *** وردة بجرف عطشان روحي بدونك
فوك الوصف يا ناس وصفه جنوني *** ومن كثر حسن البيه طكت عيوني
ثلثين الك بالكلب وبالثلث الك ثلثين *** يبقالي ثلث الثلث هم بي الك ثلثين
لو تدري بية شصار من عفتك وجيت *** تيهت والجيران دلوني عالبيت
المن اشكي واحبابي صفو عذال *** كلهم نسوني وانه الجنت عالبال
كرد وعرب اخوان والدم فرد دم *** ولو مدري شنهي يصير صدك منهتم
لا مو زعل والله بس أرد أشوفك *** تحن ولو مره ولو تسمح ظروفك
أسمر حبيب الروح خلاني حاير *** بذيج العيون السود والشعر طاير
وياي احسن بيك تمشي ويه دمي *** انته النبض والروح ونته اغلى مني
شامت يشمر النار يكطف عداوه***ماعندي كلشي وياه زاهي بنقاوه
دله انا عد عيناك بمضيفك افتر*** لشامت ونمام سجل يدفتر
كون آنه اعمى عيون وأتلمس الناس *** وأبدي بحبيب الروح من جدمه للراس
فتشني دور حيل ماتلكي كلشي *** خليني افوت ابساع خليني امشي
عد 12 بالليل تصعب الحاله *** أتمنى بس مسكول لو بس رساله
بيه وكلت بالريش سهمك فلاهم *** شنطي العذر للناس لو شافو الدم
كالولي روح بعيد وانسى التحبهم *** كلت البعد شيفيد مو روحي عدهم
ارجع لا تدك بيبان العيون***ما يطلع دمع لو توكف اسبوع
صبر الليالي يطول وتركض الايام***ظيم وقهر وآهات وعايش بالاوهام
ارد انـشدك يــافـلان عـل الفارگوني***هم مثلي يشتاگون ؟ها لو نسوني
اكطـــــــــع وجيك بليل وتعاتب وياك***ملهوفه كلش حيل روحي على ملكاك
خل تحجي هاي الناس شلنة بحجيهم***خل نمشي انة وياك ونسمع بجيهم
لاتعتقد فد يوم من فكري اتغيب***باقي وتضل للدوم لنك ابن طيب
حبك حيل كلش حيل خلي الما سمع يسمع***يكولون القناعه اكنوز ليش ابحبي ما تقنع
انت النفس والروح وانت حياتي***صدكني افكر بيك حتى بصلاتي
احمر شعر هواي والخصلة سودة *** يمشي بدلع من يفوت واللبس مودة
وحدة انطفت بجفاك وحدة انعمت دوم***اتنشغ بطرواك واشتم بالهدوم
اخ يازماني عليك من عندي شتريد *** فرحانه هاي الناس واني ابجي بالعيد
صار مرقد للعشك ذاك المكان***لجنت اضنه يصير بيتي وبيتك
تدري شوكت نتساك روحي الحنونه من تلعب الزوراء وي برشلونه
صاير انه اليوم عكر وعارك وطك
وحجايتي بالوجه احجيه طكا وطك
من زود دم الغضب انطيته روحي وطك
ياصاحبي الديوان مو كل وكت قاذفه
والقاذفاني ابحجي بشعار انه قاذفه
ون جان ويه الهمر ماتنفع القاذفه
شرياني امده سلك وانكلب عبوه وطك
الي بوكت الحصاد اهواي صحبان
وبوكت الشتل بس دمعتي وياي
عله كيفك خلصت ربعي يغربيل
اذا ساس البشر من الرمل والطين
انت من الذهب.بس منصنع ساسك,,,,
واذا تسعه من عشره ليوسف الحلوين
انت العشره كلهه بشعره من راسك.
شيرسمون منك وانت مامرسوم
سراب تصير بعيون ليرسموك
رادو حاولو بس تدري من رسموك؟
بخيط ومسطره ماجابو عيونك
يل ماكسرت خاطرج دمعات العيون
ولا فد يوم فكرتي بلصار بية
ترتاحين من يكولون هذا مجنون
واني عيوني جنت مقدمهن هدية
من تزعل ...
أحس الكون زعلان
وعيون الشمس ما بيهه أي ومضه
ومن تزعل ...
تون كل العصافير
ويكوم الحزن من عدهه يتشظه
يا نبع الورد ...
يا دمع آه و آه
يا دجله و فرات بطوله وبعرضه
عذاب البرزخ انته اتعذبت بيك
ولكن بالكلب ضل حبك يزيــد
واذا كالولي عوفه وجنه ننطيك
اريدن برزخك اي جنه ما ريد
داخ الكون كله من جمال البيك
وبس انت الصحيح وهل بشر غلطه
انت بغير خبطه ودوخت عميان
كلي شلون خايب من تحط خبطه
انته ويه الشمس متطابق الاوصاف
بس شنهو الفرق ما بينها وبينك
الشمس وكت الغروب يروح منها النور
وانته بليل هندس تضوي خدينك
مــو ذنــب الـدمـع يحفــر بالخــدود ..
بــس هجــركـ جبـرنـي علـى المنـاحــه ..
تــريـد أرتـاح كــلـي أمنــيـن أرتـاح ..
هـــو اللي يحبــكم يلــكه راحــه ..
قــررت أبعـد وأشــيلكـ مـن العيـون ..
وأمحــي الــكـ كــل صــوره بخيـالـي ..
وأهــدم كـل حـلم بنيتـه فـد يــوم ..
وأشيـلكـ شـلع مــن فكــري وبـالـي ..
رد مع اقتباس
عاشت ايدك
