هاا يتنور الصبح صوتك رجيج
البعد حيل انباك شوف اعيونها
ذيج الي بمحرافها تهيضك تعيش
وانتة صيتك سطرة بين لونها
مايذمون الفلح وقت الحصاد
الكاع هي ام الحجي يذمونها
وامي كبل اوجونها تصبح عليك
العافية من امي ترة يجسمونها
وانتة ماتدري صباح امي دعاء
وهي جلمة واخوتي يتانونها
ضحكة امي اكبالك استنكثها حيل
انة ابنها وما لمحت اسنونها
امي ماصفكتلي جف صفكت عليك
وجنت اغار من اخوتي يسمعونها
الشجرة هم ام لكن امعاديها دوم
اي هوة يمرها تهزلة امتونها
الجيلة نثية ولكن اني اعشكها حيل
شرط كون البوجه ينطونها
النخلة مانمدحها من تنطينة شيص
وانة ساكيها لحد اجفونها
وامي يم الله الف هنيالها
عاشكة وبس الحسين ابالها
امي مثل الكاع ماتتمنة دوم
الكاع تتمنة تشوف اخيالها
كوم فك ذرعانك وفك من جديد
عمر جبتة امجتف انتة اكبالها
من هوة يمك ولك جان انطفيت
جا كلت هاي امي خل ابرالها
خذت منها الميزت خبزتنا بيك
جبت عمرك تشم طرف ذيالها
تمسح براسك مثل راس اليتيم
من المداراه جنك من اعيالها
ليش طفيت الشمس بعيون ابوي
رجل وحدة وما وكف تجالها
الشاعر
حسن جباري
مهرجان
لا تستغل طيبتي
بابل / المدحتية
رد مع اقتباس
المشاركة الأصلية كتبت بواسطة أحمد العثمانيے
