هنا

[Hunter]

حاصرتك خليتك تتصورني متشنج ، عادي انتو من واحد يسقط ما في أيديكم رأساً تتصوروه متشنج ، كالعادة ناس متعرفون تتحاورون بالبراهين القوية منطقاً ، شيء ثاني مو كل دولة ممكن نطبق نظامها على دول أخرى ، اذا كانت انجلترا تقبل (ولا أتصور كلامك صحيح بس أسلم به جدلاً) فنحن لدينا دين يمنع هذه التُرَّهات ، وأتصور انت مطلع على حق كل شعب في الحفاظ على ثقافته لو هاي هم تريد تعارضها ، شوف رح أنطيك حادثة صارت أيام السبعينات يرويها عدد من أقاربي من سكان بغداد تتلخص في أن اتحاد النساء خلى عدد من النساء يسوقون الحافلات (الأمانات) وأخريات يجبين الكروة (يعني جابيات أو ِسِكن بالعامية) شوف شصار : التحرش بالجابيات بلغ حد مرتفع خصوصاً اللمس والمسك من اليد وغيرها من مناطق الجسم ناهيك عن الكلام السيئ (التصجيم كما يسموه بالعامية) ، هذا الشيء دفع الحكومة الى إلغاء هذه المهنة من النساء ، لتكلي صوج الشباب وأنهم لازم يضبطون نفسهم انت ما تكدر تسيطر عليهم لهذا الدين حرّم أشياء لأن الله يعلم أنها سوف تؤدي الى مشاكل في المستقبل بس جيب اليفهم مو بس يريد يعارض فقط ، شغلة ثانية مو بكيفك تمنعني آني مسلم ومن حقي الدفاع عن عقيدتي شئت أم أبيت انت مو من حقك تتدخل وتتهمنا بالانغلاق ، نقطة أخرى احنة منحاسب المسيحية لأن دينها ميحاسبها لكن نحاسب دعاء لأنها مسلمة مادري اذا رح توصلك الفكرة لو متدبرها ؟، قضية أخرى اذا انت تظن رأيك صحيح ليش تخاف خو من البداية صير شجاع واكتب (إي آني أسمح لبنتي تعمل حلّاقة رجال) بس يبدو أنك حتى هاي ما مقتنع بيهة مجرد مكابرة وعناد تريد تثبت أنك على حق ، بعدين شيء آخر انت تتهم الاسلام بانعدام الديموقراطية طيب بيك زود روح لأوروبا واحجي على البابا واتهمه بعدم الديموقراطية أو نال من شخصية رؤساءهم شوف شيصير بيك ، أما عن الدين فأقول لك شيء واحد (لولا الدين الذي تسخر منه لما بقيت أنت وأمثالك ، هذه أيام ذكرى احتلال داعش للموصل وصلاح الدين والأنبار وحزام بغداد وديالى ، كلّي لوما فتوى السيستاني وتشكيل الحشد الشعبي كان نكدر نصد داعش لو لا ؟ لتكلّي جيش اذا انت خارج العراق أو ما مطّلع على الوضع آني أعرف كل شيء لأن سكني قرب حزام بغداد لوما الحشد كان انتهى العراق كله لأن المؤسسة الأمنية والعسكرية انهارت بالكامل) ، أخير شي اشو جيبلي دليل من كلامي بيه سبيتك لو طعنت بيك ، اذا كنت صادق وإلّا فلتتكلم وترمي الناس بشيء ليس فيهم

اني من ذكرت لكل شخص الحق او الحريه في اختياره دونما القول نعم اقبل لكي ابين السبب الرئيسي ، فأنا اجبت و اعطيت سبب في جملة واحدة لكنك فهمت السبب فقط
طبعاً الغاء مهنة او حرمانها من حقوقها لكون الرجل تعامله ذو غريزة حيوانية فهذا شي كارثي و ظلم للمرأة ،،، هي كائن تتمتع بكامل الحقوق الي تتمتع بيها انت ، فمو من حقك تجردها من حقوقها لكونك ذكر و عايش في مجتمع ذكوري

اكيد من حقك ان تدافع عن عقيدتك و ليس ان تفرضها على غيرك ، هنا انت تتدخل في حرية الاخرين عندما تفرض رأيك حتى لو كان الدين نفسه هو رأيك

بالنسبة للانغلاق في الاسلام فنعم موجود و النقاش هذا اكبر دليل ،،، بالنسبة لاوربا فالصراحة اضحكتني لاني عايش في اوربا و زاير مدينة الفاتيكان نفسها قبل شهر ، السخرية من البابا و السيد المسيح شي أعتيادي و مقبول و من اطلع وي اصدقائي و نستهزء محد يگلي ازدراء اديان لو يبلغ عليه لو اكو شرطة لهذا الشيء ،، لذلك كتلك ان تسمع عنهم شكل و تزورهم و تشوف قوانينهم شكل اخر

بالنسبة للدين الي هو سبب بقائي ،،، عيوني ليش هو شنو سبب احتلال الموصل و الانبار و غيرها ، مو هو سبب ديني منذ ١٤٠٠ سنة تتعاركون عليه ، الدين هو سبب هذا القتل الحالي و اقصد بذلك الخلاف الشيعي السني و الي هو سبب تشكيل كل المليشيات و داعش و القاعدة الخ دونما الاعتماد على دولة او تقوية الدولة. يعني مو الدين هو سبب المشكلة و بالاخير تكلي الدين حماك

ترة السيستاني گلهم انضموا للجيش في فتواه ما گلهم ابقوا ع المليشيات و قاتلوا بكيفكم ،،، روح شوف بغداد حتى الشرطي يخاف يوگف او يعتقل احد من ذني المليشيات حتى الدولة ما خلولها هيبة ،،، طبعاً هذا ما له علاقة بموضوعنا . لذلك نعم كان بامكاننا صد داعش لو دولتك الطائفية اهتمت ببناء مؤسسة عسكرية محترمة لها هيبة . نعم شباب الحشد يقدم تضحيات لكن هم مغرر بهم لاجندة سياسية

لم اذكر سب او طعن و انما اقصد دخولك الهجومي في كل نقاشاتك و الخ من الالفاظ ،،، طبعا اني غيرت اخر سطر لان مو من طبعي اروح زايد بالنقاشات او اطي هيج وقت الها

[د. حسن سعيد]

اني من ذكرت لكل شخص الحق او الحريه في اختياره دونما القول نعم اقبل لكي ابين السبب الرئيسي ، فأنا اجبت و اعطيت سبب في جملة واحدة لكنك فهمت السبب فقط
طبعاً الغاء مهنة او حرمانها من حقوقها لكون الرجل تعامله ذو غريزة حيوانية فهذا شي كارثي و ظلم للمرأة ،،، هي كائن تتمتع بكامل الحقوق الي تتمتع بيها انت ، فمو من حقك تجردها من حقوقها لكونك ذكر و عايش في مجتمع ذكوري

اكيد من حقك ان تدافع عن عقيدتك و ليس ان تفرضها على غيرك ، هنا انت تتدخل في حرية الاخرين عندما تفرض رأيك حتى لو كان الدين نفسه هو رأيك

بالنسبة للانغلاق في الاسلام فنعم موجود و النقاش هذا اكبر دليل ،،، بالنسبة لاوربا فالصراحة اضحكتني لاني عايش في اوربا و زاير مدينة الفاتيكان نفسها قبل شهر ، السخرية من البابا و السيد المسيح شي أعتيادي و مقبول و من اطلع وي اصدقائي و نستهزء محد يگلي ازدراء اديان لو يبلغ عليه لو اكو شرطة لهذا الشيء ،، لذلك كتلك ان تسمع عنهم شكل و تزورهم و تشوف قوانينهم شكل اخر

بالنسبة للدين الي هو سبب بقائي ،،، عيوني ليش هو شنو سبب احتلال الموصل و الانبار و غيرها ، مو هو سبب ديني منذ ١٤٠٠ سنة تتعاركون عليه ، الدين هو سبب هذا القتل الحالي و اقصد بذلك الخلاف الشيعي السني و الي هو سبب تشكيل كل المليشيات و داعش و القاعدة الخ دونما الاعتماد على دولة او تقوية الدولة. يعني مو الدين هو سبب المشكلة و بالاخير تكلي الدين حماك

ترة السيستاني گلهم انضموا للجيش في فتواه ما گلهم ابقوا ع المليشيات و قاتلوا بكيفكم ،،، روح شوف بغداد حتى الشرطي يخاف يوگف او يعتقل احد من ذني المليشيات حتى الدولة ما خلولها هيبة ،،، طبعاً هذا ما له علاقة بموضوعنا . لذلك نعم كان بامكاننا صد داعش لو دولتك الطائفية اهتمت ببناء مؤسسة عسكرية محترمة لها هيبة . نعم شباب الحشد يقدم تضحيات لكن هم مغرر بهم لاجندة سياسية

لم اذكر سب او طعن و انما اقصد دخولك الهجومي في كل نقاشاتك و الخ من الالفاظ ،،، طبعا اني غيرت اخر سطر لان مو من طبعي اروح زايد بالنقاشات او اطي هيج وقت الها

أولاً خلي أوضح لك شغلة : جيشك ومؤسستك الأمنية اللي تنتظر منهم صد داعش ما مبنية بشكل عقائدي ولا مهني ، وإلّا شلون جيش وشرطة قوية تنهار أمام عصابات خلال ثلاثة أيام ؟ يعني حتى لو انضمّ المتطوعون الى صفوف القوات المسلحة مرح نستفيد لأن المؤسسة بكاملها منهارة مستحيل نعيد هيكلتها خلال فترة وجيزة ، مصيبتك انت برة ومتعرف شيصير هنا ومن نناقشك تعاند يا أخي لتصر على شي باطل ، كان لا بد من تشكيل ألوية عقائدية متمثلة بالحشد الشعبي . شيء آخر على أساس كلامك اذا نسمح للرجل بممارسة كل المهن والبنت كذلك رح تصير فوضى ، احنة مجتمع عدنة خصوصيتنة مالنة علاقة بغيرنا من الدول انت شعليك بغير دولة اذا تكول (آني عراقي ومسلم) ؟ بس حسب معلوماتي عنك انت ملحد فطبعاً الدين ميهمك بشيء ، بما أن الدين ميهمك ليش تتدخل ؟ هذا شيء يخصنا نحن المسلمون انت مالك أدنى علاقة بيه مع احترامي لك بس هذا الواقع ، آني مسلم اذاً مالي علاقة بالمسيح مو من حقي التدخل في شؤون دينهم . هاي شغلة والشغلة الثانية يا أخي ليش تتعمد خلط الأوراق ، اذا تكول داعش شغلهم الدين لعد آني هم أجاوبك جرائم ميلشيات أنصار السلام والمقاومة الشعبية في العراق هم باسم الإلحاد وجوزيف استالين نفس الشيء ، شمعنى اذا كلنالكم هيج رح تكولون هذولة بس شيوعيين مو ملحدين علماً أنهم كانو ملحدين ؟. شيء آخر وأدري رح ترفضه اذا متعلم آني أعلمك (بمعنى أخبرك مو أدرسك حتى ما تحسبها عليَّ مأخذ) ترة الماسونية صنعت داعش ودزته للعراق وسوريا لتشويه سمعة الاسلام في العالم ، أما الخلاف السني الشيعي فهذا رغم قدمه لكن لا يوجد مذهب يبيح قتل المذهب الآخر ، رح تكلي الوهابية والسلفية رح أجاوبك اقرة كتاب (مذكرات هامفر) تعرف أن الوهابية صنعتها المخابرات الانجليزية لتدمير الاسلام اذاً الوهابية ليسو مسلمين إنما دخلاء وعملاء للغرب . أما شباب الحشد وادري بيك متعرف شيء عنهم وانت معذور بهذا ، يا صديقي لو تجي لبغداد وتسأل رح نجاوبك أن المقدسات عندنا (وبشكل أكثر الشيعة) ننطي رقابنا لأجلها فلا تخوض في شيء لا تعلم به ، أخير شي كتلك سابقاً من أحاصرك تتحجج بالدخول الهجومي ومدري أيش وتنسى نفسك انت تتجاوز على ديني وتتهمه بالدكتاتورية هههههههه مضحك والله ، سالفة أخيرة مو آني منغلق انت اللي منغلق وتجادل بالباطل رغم إننا أعطيناك أسباب واقعية للمنع .

[احمدالبغدادي]

الموضوع اصبح ساحة صراع بالافكار والشتائم للاسف يغلق