هنا

[فقار الكرخي]

هااا شبيك شو وجهك ثكيل؟
ويه غيري اتريد تمشي براحتك؟
انه حبي وياك مو معناها سيف
بس اذكرك من حجيت احجايتك
من كلت انت النفس تبعد اموت
هسه شو محد مسوي سوايتك
تعبر ولازم حبيبك ايد بأيد
اادري جاوين الاحبك مالتك

[سمراء من قوم عيسى]

شايل اخرس مدخنه بروحي الصياح
لثمت صوتي ونشد بيه اندفن

فارش اليعگوب من يوم المشيت
راسي وجبال الصبر بيه انتجن

جنت اهده يطوف شباج القميص
شهگه افرع بلهوه ارسومك يجن

دمعتي اتشله جهنم من تطيح
رشلي صفناتك نهر لاينچون

[ميوشة]

يالناسيني ورحت
ماتدري انه بلياك اموت

[ميوشة]

جبت كلب ثاني حتة اكدر انساك
صارت مصيبة وحبك الثاني
عليك تعاركو هذا كتل ذاك
زعل كلبي على كلبي
وموتاني

[ميوشة]

تصح ومضة شعر تفرش دواوين ويصح ديوان مايفرش حصيرة وتصح كومة زلم ماتسوة فلسين ويصح شخص مثلك يسوة عشيرة من كد ماحلو محد مشة وياك والماشاك هم ماظل يماشيك هوة ماشاف دربة تعثر وطاح لأ كضاها بس يعاين علي -

[ميوشة]

احبك حب ولامر على أنسان
وتدري شكد احبك راح افهمك
حلمت انة بالجنة وانت بالنار
اكفر كمت حتى انتقل يمك

[ميوشة]

موبس اني اذوب واخدر عليك من احلم بيك حتى فراشي يخدر منو الكال الكمر يفتر على الكاع الكمر شافك حلو وكام يفتر على نار انتظر ومتاني الاحباب وندك باب بيتي والكلب ذاب طلعت للباب عود الباب افتحة لكيت الباب طالع فاتح الباب
# احبك

[ميوشة]

أذا تحبوني.
أذا تريدوني..
من أفكاري خلصوني..
من صفناتي خلصوني..
من سنيني خلصوني
من شكي ورجّفتي ودمّعة عيوني..
من نفسي
التشوف الدنيا بس ظنون..
اتمنى اعيش براس
ما بي عقل
بس عيون!

[فقار الكرخي]

[فقار الكرخي]

اريد اتمدد بسدهه
واخذ بوسه من خدهه

واغازل بيهه صبح وليل
تحبني وغيري ما عدهه

وافل الگذله ع الوجنات
وبسدي اگعدهه

احضنهه بخجل مهيوب
واصفن منتظر ردهه

تردلي بكلمة ، احضن حيل ،
اريد ضلوعي تمردهه