هنا

[ميوشة]

الديره وحشه وعيني وهمهه السراب
وجف ثنايه الكاع عافتهه الفلح
نيتي كون ابكل شبر بستان اصير
شلون اخضر تين وعروكي ابملح
كمت ما شم الهوء اتنفس ضباب
الحصره ما تطلع نفس تطلع جرح

[فقار الكرخي]

على طاري الغزل راح أهجم بيوت
وخلي المايحبني يسأل أعليه

يجيني أبلا شعور ويلزم الباب
لأن كلي شعر وأحلام ورديه

إنه بگلبي غزل ماسمعته الناس
يدوخها العجوز وترجع أبنيه

تره شايل خلگ وأحساس بالنسوان
أكثر من (نزار) وأزيد أشويه

إنه دفتر عشگ للمرأه مامطروق
موكلمن يحب يفهم معانيه

كتبت هواي لكن صعب معناه
الماعاشگ صدك لايسأل أشبيه

موتني الشعر لكن ترسته حروف
لأن قصدي شريف وصادق النيه

[ميوشة]

ياعافيتي ...
ياعافيتي ويروحي شلون من تبعد
يرويحت حلالي وزلف ترچيه
ياموسم زرع بجفوف الفلاليح
من خدك نويت اشلعلي برحيه
أوياك اتمشه وهيج احس لشوفتك مشتاكه
مثل الخريف لمن يمر ياخذ اعزاز أوراكه
بلاياك ماعرف احب علمني احب اتوازه
مو مشكله عايف هلي سميتك انت كل هلي وعزازه
في مسمعي في خاطري عشقاً لك لاينتهي
مسيراً في أمرك في قلبك في عشقك ماينبغي
چذاب من كلك منك انا اتبره
مايوم اذكر مني ابعدتت ولا مره
شلون اعوفك ولفظها اني اجره
وكدام كل هاي الخلك اصرخ وصيحاً ياهلا بولايتي
عفت المشو عفت الحجو بظهري خليت المشو مشايتي
بساعتها من طكت وكمت تعنيت اركض بس الك
اوجوه متغربه شفت بس انت شفتك مالتي
رادوني اعوفك ماعفت وعاندت شكد اكلهم عاندت
ورادوني مااشوفك ابد
ورادوني ماسمعك ابد
ومنك ابد مابطلت ولا جزت هيج اني جانت غايتي
معقوله منك ابتعد
معقوله بغيرك انسعد
معقوله ماشوفك بعد
وبعيني نايم من أمس وبرموشي مغطيتك
وبالريه ماجراً نفس بنفاسي أمخليتك

[تّـفـاَصيلـٓ]

اخذني وياك أنه مطشر حنين وشوگ
مو صعبه عليك تحطني بجيوبك..
وانته شبيك اذا حنيت بالبسكوت
ما تنحسب غيبه وتكثر اذنوبك

[تّـفـاَصيلـٓ]

جااااا يمته يجيسك شوك؟؟
جاستني سواجي الشيب ماظل ليل ماشفته.

[تّـفـاَصيلـٓ]

مــو الاولـــي انــه تـغـيـرت جــرة الـنـفـس نـاسـيـهـاعــوفـيـتـي-كـلـهـا-اتـطـشـرت-تـلـگـط-الـوادم-بـيـهـا
الـيـنـشـدنـي شــخـبـاري انـحـــرج
الـشـعـرايـه-ثــق-مـا-تـنـعـوج-مـن-احــط-ظـهـري-عـلـيـهـا

وانـــه واعـــصــابـــي وشـــبـگـتـي

تـمـرضـنـه-عـگـبـك-مـو-مــرض-مـتـمـرضــيـن-احـروره
ومــامـش امــام اســمـه الـثـلـج خـاطـر نـروح انـزوره
وسـويـهـا-لـ-اللــه-ومــــر-عــلـي-روح-وجــسـد-فـهـمـنـه

كــون بـحـلـگ ذيـب اسـتـقـر

لـو ظــل يـلـوﭺ شـﭺـم شـهـر نـفـسـيـتـي اظـل بـسـنـه
يـشيـلـونـي-بـالـمـلـقـط-هـلـي-ويـلـگونـي-طـايـح-مـنـه

بـهـجـرانـك وبـعـد الـحـضـن

الـخـيـط ابـشـرك نـص ردن يـنـشــاف اذا اگـــدرنـه
والـدوده-گــامـت-مـن-تــمـر-تـگـطـفـنـي-لـهـنـاك-وتـگـلـي-شـوي-لـغـاد-ادنــــــه

[شاعرة المستقبل]

‫#‏جنهم_بشر!!!
من گالو بصفك غفه
ضليت بس وجه وگفه
والدنيه داساها النمل
‫#‏والمگبره_شگد_كبرت
بس ردت اگللهم يجي
وكلمه(يجي) ماحضرت!
چي من شفتني تعجبت
يسألني ((ها شو ما متت))
تسال عليك ‫#‏العافيه
بديتلك دمعه ورمش
وعيوني ضلت ‫#‏حافيه

[ميوشة]

ابن الملحه انا مخوف الموت
اشد جرح بجرح ماعرف اتخيط
اليحاول علي يعله يصير جواي
والرتبه تعرف عل ياجتف تنحط
أكشخ بالفشك اگلادتي يصير
عليه يلوك من البس المرقط
ياهو الكالك تسحكني وتفوت
احذرك لاتوصل يمي تتورط
لاتحاول تجيني وعلي من اختاض
من اذيالكم اخذكم اتشحط
جندي انا عراقي وغيرتي العباس
فوك امتوني العلم يرفرف وينحط
من زغري خذيت اسوالف الشاجور
بالبارود موش بگماطي اتمغط
حرك كلش حرك مانايم بكاروك
من زغري معذرب ماعرف اتكمط

[شاعرة المستقبل]

شكَد ارتاح من اسمع سوالف أووووف
أكَوم بنصهن اتربع ...
خلصان الدمع والشوف ما مش شوف
فكَدته وبعد ما يرجع
وبعيني صور صفنات من الفات
ضلت... ريت لو تطلع
بقلمي

[فقار الكرخي]

شكَد ارتاح من اسمع سوالف أووووف
أكَوم بنصهن اتربع ...
خلصان الدمع والشوف ما مش شوف
فكَدته وبعد ما يرجع
وبعيني صور صفنات من الفات
ضلت... ريت لو تطلع
بقلمي

اسمعج اووف بس كونج سلامات
وانه من بعيد احس كلبي سلا مات
الج من عندي اوديلج سلامات
وتحيه معطرة واجمل هديه