آنا أبن زلمة شسولفلك عليّه
من يكَلك راح أصيد أعتبره صاد
روحوا كَلوله السوالف مالتي
طبعي تفكَة وماأثني حجايتي
الواكَف أعله النهر لايحجي بغرور
الصارن بكَونيته من سنارتي
المو نشيط والماله ع الساتر مجان
خل يكتر ربعه هاي طلابتي
الكَاع عريانة وسترها أبساط أبوي
الضمت وجوه الغرف طلاكَتي
جناحي كامل بعد ماأعيش أعله كَاع
هناك يم النجمة مآخذ راحتي
طبعي حاجب فوكَـ كل عين آنا أصير
وما أحب الريش جف اوسادتي
بيه عفه ذهب ماأخاوي الرخيص
غالي وبسوكَـ الذهب شرايتي
آنا شابع منها وي طرت الشُفاكَـ
لَكَنْ من بعدي شبع بفضالتي
أمي من جابتني متنسيه أبمضيف
الماشبع من زاده شوفه نساوتي
الذيب رافكَني لأن يدريني ذيب
هناك صوب البر أسوي سوايتي
دربي ضاوي من كثر مابيه شيب
ومن ثكَل جفي كسرت عكازتي
من أرد أصاحب الكَط المتروسه ماي
البيها لجعة من الشمس مو مالتي
لحكَوا اعله الظال آنه الكاس الجبير
الينعدل رآسه اليحصل وشالتي
الأبره ماعافتني جي تدريني خيط
بيه ينطم كل فتكَـ وبرادتي
حكَهم الوادم يشوفوني ضريح
مطرزه عكَدات شافوا رآيتي
هيه مو حُباً بجوا يم دار ابوي
حتى ينعرفون أجوا لجنازتي
رد مع اقتباس
المشاركة الأصلية كتبت بواسطة Dheyaa AL-Malki
