هنا

[هشام الطائي]

طلع علينا السيد محافظ البصره بالبشرى وبعد جهد جهيد توصل هو والاخوان في مجلس الاعيان وفي اعلان رنان وعلى طريقة كوفي عنان بان سبب ازمة الكهرباء كانت لاختلافات سياسيه وانتماءات حزبيه ( طبعا هذا الحجي بدرجة حراره 55 مئويه) يعني الجماعه اذا تعاركوا بيناتهم اطيح براس الفقير... طبعا لان اقذر مسؤول في اقذردائره تابعه لوزارة الكهرباء عنده بدل المولده تلاثه
بالله عليكم يالمسلمين واقسم عليكم ( بهبل ) لغير المسلمين واحلفكم (بالدليلاما) للاخوه البوذيين ... صايره ؟ دايره؟ سبحان الله قادتنا ما عادوا يخافوا حتى من الله
تصوروا ايها الاصدقاء نحن في جنوب العراق منذ شهر لم نذق طعم النوم لان الصغرى اكبر من العضمى وصار كل شي بالمكلوب
والناس صارت مثل البشوش( مفرد بشه) غاطه بالماي وما تعرف شوكت يتصالحون(طوووووط) حتى ننام على( هوا) السبلت مثل ما ينام شعب دارفور
صدقوني ان بناء محطات انتاج الكهرباء صارت مو بيد الحكومه ولا بيد الشهرستاني بل بيد ايران والسعوديه وذا اكو كم محطه( تخرخر) فهي بيد الشرفاء المجاهدين من العراقيين اللذين يخافون الله

[مواطن عراقي]

يا اخي ما يفيد الحجي امرنا لله

[الدمعة الحرة]

أمممممممم.. لا يشعر بمعاناة الشعب إلا من يعيش بينهم
إذا كانت حكومتكم الرشيدة تسترشد في الطاقة مع الفقراء .. فالحكومات المجاورة .. وأعني حكومتنا تتعمد حرق الأسلاك ولنأخذ حسن النية .عندما تحترق الأسلاك يبقى المواطنون لأيام متواصلة بلا كهرباء
يعني باختصار
شوفولكم كم شريف من يمكم ولا تنطروا خير من أحد