هنا

[علي الاسدي**]

السلام عليكم دررنا الغالين رمضان مبارك على الجميع
اخواني الاعزاء اليوم الاب توب ضايج وحاب يدلل علي شوي
واني هم عندي واهس بعد واريد هم اهتم بيه شويه ومااخلي بخاطره .المهم
اليوم ومن ساعات مبكره من النهار فتحت الاب توب شغلته الجهاز يقلع ويطلب مني اختار نظام التشغيل واختاره ويطلع عندي اسم النظام وبعدهه تصير الشاشه سوده وتبقى على هاي الحاله
طيب راح يجي واحد يكلي النظام ضارب رحت لمكتب الاقراص جبت قرص نظام جديد اخلي القرص يطلع مربع لون سمائي فترت مع دائره للتحميل بعدين تختفي وتصير الشاشه سوده .
اخذته لمكتب صيانه كلي نظام يحتاج زين ساعه وتعال تلكاه تمام رجعت عليه كلي الاب توب يحتاج عمليه كتله شبيه ياستار كلي الفان ميشتغل ولازم يتبدل لان جاي يفصل من كد الحماوه طبعا اني ماصدكت لان ابو المكتب هو الحمه
كتتله زين شكد تكلف كال 45الف . كتله يابه ترى الفان مال الاج بي مايعطل كال مو بكيفك كتله اوك اتركه غير مره اسويه رجعت للبيت استقبلني ابني عباس غضبانا اسفا على ان الاب توب مايعمل
مااااريد اطول عليكم هسه الفان شغلته شغلت الاب توب نفس الشي خليت قرص نفس الشي
هسه شنو الحل ليعرف لا يقصر
واسف على الاطاله .

[محمد الساري]

طبعا صارت وياي نفس العملية بس طلع القرص مال التنصيب مو اصلي مخلين بيه مدة محددة وتظهر بيه هاي الميزة الشاشة السوداء او العقربة السوداء
اذا الفان عاطل يضرب الهارد ويطفي الفان مالة علاقة بالشاشة ماتصير سوداء اعتقد القرص مو اصلي لو مامنصب بصورة صحيحة او نقص بالبرامج

[علي الاسدي**]

طبعا صارت وياي نفس العملية بس طلع القرص مال التنصيب مو اصلي مخلين بيه مدة محددة وتظهر بيه هاي الميزة الشاشة السوداء او العقربة السوداء
اذا الفان عاطل يضرب الهارد ويطفي الفان مالة علاقة بالشاشة ماتصير سوداء اعتقد القرص مو اصلي لو مامنصب بصورة صحيحة او نقص بالبرامج

شكرا اخي الغالي بس جربت نصبت بيه غير حاسبه مافيه شي

[سعد العراقي راقي*]

طبعا بالمناسبه اكثر من عطل يخلي الشاشه تصير سوده
بداية الفان مو شرط يتوقف عن الدوران للمروحه حتى نحكم عليه عاطل اولا....لان تحت الفان مباشرة يوجد معالج الحاسبه الرئيسي وبينهما يفصل ماده بيضاء نسميها عجين الفان ....هذه الماده اذا نفذت يصبح الفان دون فائده ...لان المعالج اثناء العمل يكون قطعه من الجمر اذا لم تصله تبريد الفان عن طريق العجينه.....
اما احتمالات ظهور الشاشه االسوداء
اولا..عطل الفان او نفاذ عجين التبريد
ثانيا ..تلف ببعض ملفات النظام الرئيسيه
ثالثا...تيار كهربائي غير نظامي يسبب تلف النظام
.........
وعليك اتباع مايلي
حاول في بداية الامر اصلاح النظام عن طريق الامر سيف مود عندما يصل الاقلاع الى مرحلة ستارت وندوز نورمل ...فيكون تحته مباشرة سيف مود ليقوم بالتصليح
ثانيا ...عمل بوت جديد للحاسوب من البايوز وليس عن طريق اوامر ال f
ثالثا ...اعادة ضبط مسار البوت اذا لم تتمكن من البوت عن طريق البايوز
رابعا ...استبدال الفان وامري وامرك الى الله

تحياتي لك

[حيدر الغديري]

اذا تگدر اتصور المشكلة للمعرفة ما هي الرسالة التي تظهر لك اخويه

[علي الاسدي**]

اذا تگدر اتصور المشكلة للمعرفة ما هي الرسالة التي تظهر لك اخويه

لشاشه سوده وبس لمؤشر طالع واكدر احركه