ضميت الخجل من سولفت ع الحكَـ
اليبيد كَبال ربعه من السهل ينشكَـ
كتلني المسحتة وصّفت كَصتك بير
وأنت بظهر صيف البصرة ماتعركَـ
تقل قيمة البير اليم نهر حفروه
الصكَر ينهان لو يم الكَطه دنكَـ
تره المايستحي للشته يظل ممنون
لإن ماكو شمس معذور مايعركَـ
أحنه بديره بيها الزلم مايبجون
ونلجح دمعة الريال من يعشكَـ
كَتلك ياشراع الفحم لتماشيّ
تره بسوكَـ السفُن مايمشي الملثك
كَلي شحصَلت لمن صرت مسمار
تلم شمل الخشب بس انت شابع دكَـ
لو ماخذ حجي وشايل أطباع الهور
حتى شما خذوا من طينتك تغمكَـ
تره الفاكَد ولف يرجف بنص الصيف
ويستبرد عشكَـ ويصير جسمه أزركَـ
يالي محسبك غطه ذلني البرد بجفاك
الولفه بصفه موبس يدفه لا يعركَـ
أنا الهاضمني تعرفني من افوج شلون
وكَمت لخاطرك حتى بسراب أغركَـ
ماهمني التعب من واكَف متنايك
شمس وتراب ونخاف العشكَـ يعتكَـ
خضار الشجر شارب من تعب فلاح
لو ممداري كَاعك ياغصن وركَـ
شفتهم من أجوا كل ظنهم يبوكَوك
وخليتك وره وصار الحجي معلكَـ
وكَتلي لخاطري أتركهم تره يأذوك
وكَتلك ع الشرف يتونس الينطكَـ
رد مع اقتباس
المشاركة الأصلية كتبت بواسطة شرفه القمر
