هنا

[ليديا]

السلام عليكم

رمضانكم كريم

صح فطوركم كل عام وانتم بخير

ضيوفنا اليوم وزن ثقيل ولازم تكون حكاياتهم كذلك

فلسطين

حازم العامري

جنونيات

سمعونا حكاياتم مع رمضان

دعوا ذاكرتكم الحية تنطق بكل ما معكم

وبعدها استقبلوا اسئلتنا

[رحيـــل]

عفوا اعتذر عن الفهم البطيء ... اتريدون يومياتي ؟

[مهدي الموسوي]

اي اكيد شنو صار وياك من السحور الى وقتنا هذا بالتفصيل

[ليديا]

ومش رمضان هذا فقط بل اي حكاية تريدين ان ترويها

[رحيـــل]

طبعا من البارحة وللان خطار عندنا خالتي مع زوجها وثلاث اطفال ولهذا تجدوني قليلة التواجد لان كل ما افتح الحاسبة يصرخ (حمودي ) انطيني ربع لو اكسرها
وما اريد اكول منو حمودي لالا لان هو اسطورة بالوكاحة يعني اذا اجا حمودي البيت الكل يدخل انذار (طبعا اي مزهرية اي ادوات جارحة اي شي قابل او ما قابل
للشمر , لازم نخفيه ) والا كل العائلة تلكوها بالتعليمي . المهم المهم البارحة ما نمت لحد الساعة 8:44 صباحا سنحت لي الفرصة بعد السحور واستتباب الامن
الطفولي من قبل الثلاث قرود ابناء خالتي الي تشوف وكاحة اطفالها امامها وهي صامتة مرااااااااات تتكلف اتصيح بصوت هادئ اليمها ميسمعها ( اكعود ماما حمدمد) . لا علينا كنت سعيدة بوجودهم
سنحت الفرصة كي ادخل المنتدى واكتب مدونتي وابعث رابطها لمن يهتم بأمري وابعث روابط مواضيعي الاخيرة ولا اخفي عليكم تطفلت على بعض ملفات
اصدقائي ونمت الى ان هجم حمودي على الغرفة طب طب طب طب : ها شكو : انطيني ربع . طبعا وصار مراويني نتيجته ناجح الاول 10 مرات ولازم بكل مرة
لازم ياخذ هدية ( احبتي أَستنزفت انجدوني وبلغو حقوق الانسان بحمودي ) ................
للحديث تتمة.

[رحيـــل]

احب احكيلكم كثير لان فعلا محتاجة اتكلم لكن وقتي ؟

[حازم العامري]

السلام عليكم
ورمضان كريم على الجميع
اسف جدا جدا على التاخير
كان يومي بسيط لان انا مقيم بالدائرة
كانت فترة السحور كالمعتاد الساعة الثانية بعد منتصف الليل في بهو الدائرة وكان السحور قيمر لونا وصمون وكاستر وكبة برغل ولبن و لشيء الرئيسي الشاي وعلبة السكائر هههه
وبعد الانتهاء من فترة السحور الكل يذهب حسب عملة اما انا اجلس اكمال البريد اليومي الخاص بي وبعدها يحين موعد الصلاة اذهب الى المسجد الخاص وهو عبارة عن احد الغرف الفارغة بالدائرة وبعد الانتها من الصلاة وقراءة بعض سور من القران و انام في الساعة الخامسة فجرا ثم أنهض الى الدوام الرسمي في الساعة الثامنة صباحا أغتسل
وابدا بعملي حتى الساعة الثانية ظهرا اذهب الى غرفتي ارتدي تراك الخاص بي و احاول ان انام ساعة او اكثر حتى الساعة الرابعة عصرا اخرج من الدائرة اذهب الى السوق لان اكل الدائرة يصبح ممل اجلب معي بعض الاشياء الخاصة بوجبة الفطور مثل شربت يسمى نومي بصرة او بعض المعجنات اكل سفري ثم يحين موعد الفطار نذهب الى البهو ونفس الروتين شوربة عدس وتشريب لحم ولبن وتمر وخضار وفواكه وكاستر والطرشي اما التشريب والشوربة حدث ولا حرج عبالك راقد في ألمستشفى لو بدون ملح لو بيضاء لو طعمها غريب لان الطباخ كاظم وما ادراك ما كاظم اه ثم اه ونوب الي يكتلك يقول اني طباخ درجة اولى هههههههه هذا يومي اما اذا كانت اجازتي لا اكيد الوضع يختلف 100 درجة
هههههه هذا وتمنياتي بالخير للجميع ولله لا يطعمكم من اكل الطباخ كاظم ابو جويدة هههههههههه

[غريب الروح]

افطار شهي
يعني نومك كله ما يتجاوز الثلاث ساعات

[حازم العامري]

افطار شهي
يعني نومك كله ما يتجاوز الثلاث ساعات

اشكرك اخي ابو محمد
صحيح ابو محمد لعد شسوي
الله يكثر القهوة هههه ههههههه
تسلم ابو محمد الغالي

[مواطن عراقي]

طبعا من البارحة وللان خطار عندنا خالتي مع زوجها وثلاث اطفال ولهذا تجدوني قليلة التواجد لان كل ما افتح الحاسبة يصرخ (حمودي ) انطيني ربع لو اكسرها
وما اريد اكول منو حمودي لالا لان هو اسطورة بالوكاحة يعني اذا اجا حمودي البيت الكل يدخل انذار (طبعا اي مزهرية اي ادوات جارحة اي شي قابل او ما قابل
للشمر , لازم نخفيه ) والا كل العائلة تلكوها بالتعليمي . المهم المهم البارحة ما نمت لحد الساعة 8:44 صباحا سنحت لي الفرصة بعد السحور واستتباب الامن
الطفولي من قبل الثلاث قرود ابناء خالتي الي تشوف وكاحة اطفالها امامها وهي صامتة مرااااااااات تتكلف اتصيح بصوت هادئ اليمها ميسمعها ( اكعود ماما حمدمد) . لا علينا كنت سعيدة بوجودهم
سنحت الفرصة كي ادخل المنتدى واكتب مدونتي وابعث رابطها لمن يهتم بأمري وابعث روابط مواضيعي الاخيرة ولا اخفي عليكم تطفلت على بعض ملفات
اصدقائي ونمت الى ان هجم حمودي على الغرفة طب طب طب طب : ها شكو : انطيني ربع . طبعا وصار مراويني نتيجته ناجح الاول 10 مرات ولازم بكل مرة
لازم ياخذ هدية ( احبتي أَستنزفت انجدوني وبلغو حقوق الانسان بحمودي ) ................
للحديث تتمة.

ههههههههههه
احلى شي اكعد ماما حمدمد