حلوة
حلوة
شكر ا لحضوركم الاجملالمشاركة الأصلية كتبت بواسطة moh shams
رووووووعه
شكرا
حلوووووووووو
جائزه رصيد لليعرف اشكم مدينه بالقصيده!!--حسين الساعدي
((مسابقة ألغاز ساعديه))
الجائزه _كارت رصيد_ مع شهادة تقديريه
السؤال!!قصيده والمطلوب تذكر كم مدينه او منطقه ذكرت بالقصيده كتابه وليس رقم!
____
بيك اطلابة العشار!
بيك املوحة البصره
وبميسان الك تذكار
والهور اليجر حسره!
ما تدري باأهل ذيقار
لا حبوبي لا شطره
كلها اتصيح ياستار
لمن تنظر النضره!
عنك بالسماوه اخبار
تمر ابشارع الثوره!
والحله العليك ا تغار
بابل هسه منتظره
يايوم التضوي الدار
صاحت كلها مبتشره!
والكوت ابهوه الجمار
بيك وهسه متعطره
طلعوا طشوا الازهار
من السده والبدره
ديوانيه الك اشعار
كلمن وصف ابشعره
هذا ايوصف الانوار
ذاكه الوصف الكمره!
هاكد ما تراعي الجار
هاكد صاين العشره
نوصل للنجف زوار
وانته التدعي بالحضره!
كون الكربله المشوار
حته العايل اتعثره!
لا تكفيري لا غدار
يوصلنه ونكف شره!
صلاح الدين والانبار
صدوا داعش ابكُبره!
لكن شافوا الاخطار
بيك وضاعت النصره
وديالى التريد الثار
منك هسه متحضره
عاين بالشمال اصار!ّ
صارت كلها محتره
ذوبت الثلج يا نار
بيك وغركت الجزره!
والموصل ازغار اكبار
منك رادت البُشره
تطرد داعش الغدار
عينك لمن اتخزره!
وبكرخ ورصافه اخبار
هذا اليوم الك مره
كراده اويه سبع ابكار
يم المنطقه الخضره
وكفوا وكفت المسمار
كلمن رايد اتعبره!
منصور والف يادار
ذبوا كتبه والطره
واليربح تجيه خطار
كلمن طابخ ابجدره!
خو زيونه والتجار
سمو باسمك الفكره!
واليم البنوك أعمار
كلمن دفتره امحضره
رادو صوره الك تذكار
حته الشافك اتسره!
دَخلت الرصافي انذار
محد واكف ابكتره
راد ايوصف الماصار
باشعاره التضل ذكره!
ويه الشعله والانصار
وحسينيه الك تبره
والصحه وشعب محتار
بين اليمنه واليسره!
بالنهضه وعله الدوار
كالو تبتدي السفره!
وبكل المدينه انصار
كلها اتناطرك بره
ياشارع والك يندار
من امريدي والكسره!
الداخل عليك ايغار
وجوادر حاير ابامره
بالكياره تدري اشصار!
طفرولك فرد طفره
وجميله اتصيح ياستار
بيك الدنيا مفتره!
وباأم الكُبر طشار
الك بالحسره متحضره
واهل الاعظميه اعذار
كلمن حاضر ابعذره!
والكم ساره والخَضار
وحريه التجر حسره
والشعله التوج بالنار
ما تطفه ابهوه المطره!
حتى ابشارع الاشجار
ما طلعت ولا ثمره!
لوما ترتوي الازهار
تبقه ابعازة الكَطره!
بالميدان الك ثوار
الباب الشرجي متسطره
والبياع اخذ دولار
باع وباسمك امحضره!
وسبع اقصور ضل محتار
بيك ايلمع ابقصره!
وابو سيفين والانوار
وبحي طارق العبره!
بغداد الجديده اسرار
امين الماحجه ابسره!
كالوا سيرت تسيار
والعاجل عله الحره
كلها اتريد الاستفسار
سرك ياهو اليفسره!
وانه ابقصتك محتار
وأبعد عنك النضره!
ليوين أكتم الأسرار!
ليوين أحضن الجمره!
وافكار التجر أفكار
بيك وضاعت الفكره!
وجروحي العفتها ازغار
كبرت رادت الطبره!
ياساعه الهويت النار
جانت ساعة الكشره
جانت ساعة الكشره
حسين االساعدي
رؤعه الكلمات
عاشت الايادي
تحياتيـ
رد مع اقتباس