هنا

[ارجع يازمان]

عذبني السمار اوياك
بيك املوحة البصره!
الساعدي

[زهر الربى]

بيك احجاية العشار
بيك املوحة البصره

وبميسان الك تذكار
والهور اليجر حسره!


دَخلت السماوه انذار
كلمن حاير ابأمره

ما تدري باأهل ذيقار
لا حبوبي لا شطره

كلها اتصيح ياستار
لمن تنظر النضره!

والحله العليك ا تغار
بابل هسه منتظره

يايوم التضوي الدار
صاحت كلها مبتشره!

ديوانيه الك اشعار
كلمن وصف ابشعره

هذا الوَصفك جُمار
ذاكه الوصفك كَمره!

هاكد ما تراعي الجار
هاكد صاين العشره

نوصل للنجف زوار
وانته التدعي بالحضره!

كون الكربله المشوار
وانته العايل اتعثره!

لا تكفيري لا غدار
يوصلنه ويكف شره!

صلاح الدين والانبار
صَدوا داعش ابكُبره!

لكن شافوا الاخطار
بيك وضاعت النصره

وديالى التريد الثار
منك كلها متحضره

عاين بالشمال اصار!ّ
صارت كلها محتره

ذوبت الثلج يا نار
بيك وغركت الجزره!

وبكرخ ورصافه اخبار
هذا اليوم الك مره

كالوا جَيتك خطار
والعاجل عله الحره

وانه ابقصتك محتار
وأبعد عنك النضره!

ليوين أكتم الأسرار!
ليوين أحضن الجمره!

وافكار التجيب أفكار
بيك وضاعت الفكره!

وجروحي الصفت طشار
والطبره ابأثر طبره!

ياساعه الهويت النار
يخايب ساعة الكشره
يخايب ساعة الكشره
حسين االساعدي

احسنت الأختيار
اكثر من رائع

[ارجع يازمان]

احسنت الأختيار
اكثر من رائع

شكرا لحضوركم الاجمل

[الملاذ الاخير]

رووووووووعة
سلمت الانامل

[shamim]

الله الله
سلمت الذائقه

[mohammed.shams]

رووووووووعة
سلمت الانامل

[ارجع يازمان]

رووووووووعة
سلمت الانامل

حضوركم اجمل دمتم بخير

[اميرة الاحزان‬‎]

الله اكثر من روعه

[ارجع يازمان]

الله الله
سلمت الذائقه

حضورك اجمل دمتي بخير

[اتنفس الصعداء]

رووووووووعة