عفيه اخوي استشهد بسوح الشيم . هذا ثوب الشرف لفوك بعلم
................
عفيه اخوي المايذل للظالمين . عفيه اخوي البطل تربية الحسين
ابد ماينطي الوطن للمعتدين . بدمه يحمي اعراض كل المسلمين
دافعت عن اخوتك يالماتذل . عفية اخوي الي ثبت كول وفعل
خوية كلي خاف حسيت بألم . هذا ثوب الشرف لفوك بعلم
....................p
وي نداء المرجعية اتحزمت . كمت تتحدة الرصاص وماخفت
شكثر ياخوية دواعش كتلت . كلت لا للذله سمعومك شكلت
شلت راسي وتضحك وي الموت عين . خلي اقبلك يابعد عيني الحنين
ثوبك شمحلاته بي دم انرسم . هذا ثوب الشرف
عفية اخوي البلحرب شد النطا ق . حررت بدم يخوي ارض العراق
كلت ماتبقى بوطنه اهل النفاق . عندك وي الموت يالباسل سباق
جاهدت يابطل من اجل الصلاه . انت ابوك النجف وامك كربلاء
بالشهادة يا أسد عمرك ختم . هذا ثوب الشرف لفوك بعلم
..........
اتطوعت وي الحشد اهل الوفاء . الحشد رفعو راية الكافل لواء
حشد شعبي للوطن نزفو دماء . ابد ماينمس ترابج كربلاء
من ابو فاضل بعدهي الغيره هاي . صحت ارخص للوطن روحي ودماي
ماخظع للباطل ويقسم قسم . هذا ثوب الشرف لفوك بعلم
