هنا

[.Diyaa Nawar]

شكالولك عليه وصار وجهك سيف
وتعرفني التكتلك والحجي مصدگه
شجره ومو بديه وتدري وكتك ريح
وتحملني ذنب من طيحت ورگه
خلك ساتر ولك سويت خلگي وياك
شكد موت وجثث ماضيجت خلگه
مو من صالحك عالجرف تزرع عود
ماتدري اعله ساعه يفيض ويغرگه
ومن شفت الخناجر خذت دور السيف
كلت ياروح صيري بهالوكت درگه
وتسالني تگلي شسوه وكتك بيك
شسولفلك شأكلك ؟! تكتل الحرگه
ذبني ابير بيده وكال اكلني الذيب
ورسم للذيب صوره وجثتي بحلگه
وطفاني وعالجمر بچفوفه رش الماي
ورد ينفخ رماد ويا جمر يلگه
ما يدري الوكت لو عكس هدة خيل
اللي يطيح بدربهه جدامهه تسحگه
وذبحني مناطرك غيم ومطرها يطيح
گظت شوغات روحي لهفة الملگه
مثل فزة مفارك من تجيني بطيف
اشبكنك وافز وكلشي ما ألگه
مو ذنبي تره لبعض البشر مالوك
لان طبعي صريح وراسي مادنگه
اللؤلؤء باللضم كلش جميل يصير
بس هوه الحجي عالرگبه التعلگه
=============================
للشاعر المبدع سمير صبيح

[محامي الحب]

فتاة في الريف تزوج عليها زوجها ! ففي احدالايام
ارسل زوجته الجديده مع الزوجه القديمه لجلب الماء . فقالت الزوجه الولى ؟؟

( عرس علي ونوب دزاها وياي
فوك القهر والضيم متخوصره احذاي

فأجابت الزوجه الثانيه ؟؟
( ما ميته آنه إعليج جيت أترس الماي
أحسنلج أتسكتين لا أطكج بهاي )

[ابواحمد عبدالله]

فتاة في الريف تزوج عليها زوجها ! ففي احدالايام
ارسل زوجته الجديده مع الزوجه القديمه لجلب الماء . فقالت الزوجه الولى ؟؟

( عرس علي ونوب دزاها وياي
فوك القهر والضيم متخوصره احذاي

فأجابت الزوجه الثانيه ؟؟
( ما ميته آنه إعليج جيت أترس الماي
أحسنلج أتسكتين لا أطكج بهاي )

اكثر من رائع

[sky angel]

تدري ،
نوبات المحبّة تملّ
وأحبك
للقهر
....

[ابواحمد عبدالله]

كل مجفي الله وياه من بالي اكنسه
ثوب وركد فد نوب مابعد البسه

[ابواحمد عبدالله]

بالك وره المجفين دمعاتك تهل
تنحسب ذله عليك والذله تكتل

[shamim]

الله الله
تقيييم

[shamim]

روحـي ظـلـمـة وشـوفـتـك
عـنـدي صـبـح

[shamim]

مدري ليش ؟
الفاگده احد بيها فحطة عين تصبح
كثر ما تتمعن وجوه التجيها
ومدري ليش ؟
العين تشبح
للگفه اليبعد عليها ..

[ابواحمد عبدالله]

سولف يا كبر .. شخبار الأحباب
نمر أبالهم .. لو ما يذكرونه
لبسو أبيض وغطاهم .. تراب
أحنه أسود لبسنه بيوم .. عافونه
كللهم تره ماكلنه .. غياب...
وأذا يردون نحجي ..خل يحاجونه
سولف يا كبر ذوله أحنه ... الأحباب
وسنين العمر جواك ... مدفونه !!