انطاني ظهره ومشه حسباله راح التفت
والدنيه توگف تره
مايدري بيه جبل متروس عزة نفس
والخاين استحقره
الدفان اي يفتهم
اتعلمت منه درس
من ادفن اجنازه وارد ماالتفت ليوره
واعتب فقط عالعدل
هذا انه بيه طبع ماعاتب المگبره
الباعاني هوه الخسر الفحام يهوه الفحم
مايرغب الجوهره
اخيط بالگلوب واسمع الصوت
ابهيده ويانه ﻻ تلچم جرحنه
مو قصة ألم وجروح ﻻﻻ
بس اعزاز مدفونه بگلبنه
خذوچ وگمت اون الآه طبگ آه .
علیچ وصوتي من الضیم طبگآه.
ومحمد من علیچ الباب طبگآه .
السموات السبع طبگت علیه.
من اذب حسرات انشف حرورة الصيف ........
هيج وياي وصلت من اسميك ...
...
علي رشم
دبريلي ملكه بروحي وحشه حضن
شكد ناس زغرت من فراغج كبر
شجريتي مني ومانجر النفس
ضل الحلم بعيوني يطبع اثر
رحتي وخيالج لاغفى ولامشى
لاعاف روحي ولابعيني استقر
اربع مواسم ضل خريفج يجي
طاحت ملامح وجهي مثل الشجر
..
لرشمها
جفيتك و ادري تاخذني ورة جفاك
حسرتي ولوعتك والهم ورةجفاك
بخيالي جروحك مبينة ورةجفاك
وخناجر كمت احس النفس بية
لرشمها
هناك ناس تبحث عن اخطائك لكي ترحل
وهناك ناس تعمي عيونها من اخطاك لانها تريد ان تبقى معك
خلصت عشرتك رغم احنه مابادين
اليحب بالكوه يدري الناتج الفركه
كافي نجذب بحجه جمعنه الشوك
بعمرنه حساب ماحسبنه للملكه
اذب الصوج بيمن واني راس الصوج
عالمايسوه المن روحي محتركه
سلامك ثكل وجهك ماثكل ويا
اذا مامشتريني انساني واستنكه
نقطه ضعفي بأسمك حلفوني هواي
وجنت ياهو الحلفلي بأسمك مصدكه
اذا متريدني شعندك بقيت وياي
بابك بالوجه شمتاني مطبكه..
