ردتك تگل للباب هچي وتجيني
حتى ابدمع ملگاك اغسلهه عيني
* * * *
ذني العجاف الگال يوسف عليهن
يتفرزن الكواك والدوني بيهن
* * * *
دكت الدنيه وياي عيب احچي بيهه
الغركت وي الراك اطتني اديهه
* * * *
يايوم اطب لسوك واسرج ذلولي
واضحك سويت الناس وامشي اعله طولي
* * * *
يل تنشد اعله الحال هذا انه بارود
عايز وحك عيناك بس جدحت العود
* * * *
شصبر شضمد الروح شتجلد اني
ساعه وطحت وامسيت فرجه لزماني
* * * *
الخضر وج وصار لليابس اوكود
ذني السدن كلفات بس الله موجود
* * * *
ندهتني تالي الليل نتحاسب الروح
تاليها ما عديت مية امن الجروح
* * * *
ما صدكت ياحيف روحي ابهذني
كالتلي جم اصواب ظميته عني
* * * *
مااحݘي عل موخوش خل همه يحݘون
ماكبر صيت بغير ذم اليكرهووون
* * * *
ولفي شكثر حساد يتحاسدونه
لاچن زراگ العين يشگفهه دونه
* * * *
كلوله مايحتاج مشيت زلم داز
طكت السنه والعام طاحن للعزاز
* * * *
مݘفي وطحت ماشوف والطعنه بݘلاي
بس التفت عليه لنه الربه اوياي
* * * *
هاك ابره واحفر بير وتغمجه اوصيك
من يكمل انه يجووووز ساعتها ارد ليك
* * * *
اجمل صباح اليوم وبعمري بس هاي
شلت الغطه وفزيت لن عيني بهواي
* * * *
كليته بالمحماس كلبي ويحن ليش
جويته ست مرات اݘويه بعد بيش
* * * *
كليته بالمحماس ماموجر وياه
ذريته گلبي اتراب ويحن عله اهواه
* * * *
ماوݘد الطاكَوكَـ كتر الوجعني
أبن امي دله وصاح وݘعاته ذني
* * * *
ماذر والغربيل ما لايكَنه
مو عنبر المشخاب ربعي اصفه منه
* * * *
ياربي الك شكواي موش لصديجي
فك ريجة بيه العوز وانا عالريجي
* * * *
يا راحة والحسبات لزمن طوابير
يتسرسحن بجفاك ومدافع يصير
* * * *
بس ليلة يمك كون أكَضيها مطروح
والصبح ملج الموت خل يآخذ الروح
* * * *
رد خل اشوفك ݘاي نورلي بيتي
أطب ݘهنم راح بس من خطيتي
* * * *
مر بيه نخوة انخاك صدكَـ للظنون
كحل آخذ من تراب رݘلك للعيون
* * * *
لو ترد شوف الظاع وسنيني وصباي
هم ذمة ما ابريك وابقه أطلب هواي
* * * *
شو صارلك جم يوم موش يمي بالك
مسلّمة للعباس كلمن وشالك
* * * *
بطرك النفس ظلـــــــيت ومركد اركود
أقوى بثلث مرات مني أصبــــح العود
* * * *
بالكَلب ما خليك بيّ دكَة ياذيك
بالريه حتى يصير درب الهوه عليك
* * * *
عن الگلت والگـــال اتماشة وياك
بالبسملة من اصير استنكف اقراك
* * * *
ياربي مو يعكوب اني احچي وياك
لوترد ليه هواي لو تكطع اهواك
* * * *
كون الگصص تنباع چنت اشتري اهواي
وانطيهه للماظال بگصصهم الماي .
* * * *
من عكب ذاك الحيل خلتني دنياي
عالريشه وانخه الناس تتكابل وياي .
* * * *
حسبالة اصيرن ذيل وامشي علة ممشاه....
وانه الهوه من يشيل خشمة ازعل وياه.... .
* * * *
مو ذنبك من اجفيت مامش ذنب بيك......
اشخلة وكتي وياي خاطر يخليك........
* * * *
بس ليله يمك كون اكضيهه مطروح
والصبح ملك الموت خل ياخذ الروح
* * * *
منا ضعنهم فات سمعوهه مني
هذا اثر جدم اهواي ودموعه ذني
* * * *
لدغ الحيايه يهون واحسبهن امراد
غزر ملح ببليس وبربعي ما فاد
* * * *
فرك وفرك يالبين متحادد وياي
من تحط بكَه تميل متحمله دنياي
* * * *
كمت الدمع بجفاك بل كفه اجيله
يجهبني حت البير واترس شليله
* * * *
افركها وارشك ماي عيني بشته اجفاك
خافن هلي يحسون تبجي اعله فركاك.
* * * *
غافي وسمعته يصيح گلبي وتغطيت
دثررته لايدرون شماتي بالبيت
* * * *
يوسف نبي وحسدوه ورادولة موتة
المو نبي شيردون من عندة اخوتة.
* * * *
غلبه اليطيح بضيج ماجـــــنت احس بي
طحت وعرفت الغيم لو غيم شــــــــبي
* * * *
ماظل حجي ونحجيه كلشي انته وراح
حته النظر بالعين صدكني هم شاح
* * * *
دك للوفة العباس ثاية ويطوفون
ابوكت چان البي خيرهم ايخون
* * * *
انجبر ومشي وياك مو لايك ادريك
شح عني جاري الماي وتيممت بيك
* * * *
اجمع احجار الكاع وبعبي اخليه
حتى امنلاكي اهواي بلكي اثكل عليه
* * * *
يا ربي الك شكواي موش لصديجي
فك ريجه بيه العوز وانه اعلى ريجي
* * * *
منا ضعنهم فات سمعوهه مني
هذا اثر جدم اهواي ودموعي ذني
* * * *
يالما تود ملكاي ما ودي ملكاك
بس ارد اغيضك دوم وتلاگه وياك
* * * *
شب ارد احط لهواي خابط لكيته
بلكي الله لن هادي ومصفي نيته
* * * *
من خيروني بين ولفي وهلي وماي
موش اني جفي اندار واشر على اهواي
* * * *
حتى اليسير گام ما جابه شوگه
متاني راعي البيت يغفى ويبوگه
* * * *
مر لحمي ما يلاج علكم بالحلوك
هذا انه والبي زود يدنه ويضوك
* * * *
اتمردغ اعالروح هذا أحلى مابيك
وزعل وجيك بماي وجهي واراضيك
* * * *
يا راحة والحسبات لزمن طوابير
يسرسحن بجفاك ومدافع يصير
* * * *
روحي ام عجوز البيت والدنيه جنة
ومديرمه بعاشور ومخليه حنه
* * * *
ادريهم يذمون مارد عليهم
كبل السمع شميت ريحة حجيهم
* * * *
يتبختر بممشاه واني اشتعل نار
يسواله سبع اضلوع من ذني الكصار
رد مع اقتباس
المشاركة الأصلية كتبت بواسطة أوراق شاعر♪
