طريقة تحضير الكبة المبرمة:
١. بغسل البرغل ما بنقعه بس غسيل، بتركه نصف ساعه.
٢. بقطع البصله وبرش الكمون والبهار الابيض على البرغل بمرقه على مكنة الكبه او محضر طعام دورين.
٣. لما خلص اول مرحلتين من الطحن باخد مقدار من اللحم المطحون ناعم كمية قبضة يد بحتفظ فيه جانبا للحشوة، اما اللحم بزيده على البرغل وبدعك باليد مع اضافة ماء مثلج اثناء الطحن واثناء دعك اللحم البرغل.
٤. اخر مرحلة بضيف السميد وبدعكه مع الكبه (السميد بيسحب الرطوبه الزايده من الكبه وبيعطي القرشه المميزة).
٥. تحضير الحشوه: بقلب اللحم بالسمنه والفلفل والقرفه وبس تستوي بضيف فستق حلبي وبقلب بطفي النار وبترك اللحم يبرد تماما.
٦. بعدها بضيف اللحم النيئ الناعم يلي تركته سابقا الى خليط اللحم المفروم (وظيفة اللحم النيئ بخلي الحشو يتماسك داخل الكبه وما يفرط اثناء التقطيع).
٧. هلق عملية اللف بفرد الكبه بين ورقتين نيلون، بوضع الحشوة بالوسط، بلف مرة وحده، بتخلص من الزوايد وبقفل الاطراف، بحصل على رول وبكفي نفس الخطوات لاحصل على 10 رولات حجم وسط.
٨. ممكن لفهم بنيلون وفرزهم اما طريقة الشوي بصينيه مدهونه سمن بوضع رول الكبه وبدهنه كميه وفيرة من السمن.
٩. بدخل الصنيه بفرن حار وبقلب الرول كل شوي ليستوي مع ضرورة سقيه بالسمن الموجود بالصنيه للمحافظه على طراوة الكبة.
رد مع اقتباس
المشاركة الأصلية كتبت بواسطة أحمد العثمانيے
