علي المنصوري
علي سوي فضل مابيه حيل الشوك
العشك للعنده واهس وانه ما عندي
الغرور مفصل فصال عله عرض كفاج
صعبه عليج بس لخاطري تهدي
الياكل مستحى يكضي العمر شبعان
ياساعه التمرله تحسه متغدي
جريمه النخله اذا مابـيها تمره تحير
من تكصدها من المسـتحه تندي
الفلح تحسبلي الف حساب انه العاكول
يجنب مكاني المار متعدي
صرت شايب وأخر عمره راد يتوب
ولكفته المنيه كبل لا يبدي
حـسرتي عليج حسرة شيخ ضكه العوز
وباب اليخدمه كاعد يجدي
حال المنتظر صاحبته عشر سنين
ولكاها بدله بيضه وهوه متعدي
اليعيش بهور وتغرب لغير مكان
روحه تشط لمن يذكر البردي
جزى وكت الدلع علفطره خل نعيش
موج الشيب ضل يتلاطم بخدي
أنه عمـري جبير وكلشي بيج زغير
بـس عن حلفة الله شعرج بكدي
حـلم بايت واحس لذة حلم مابيج
جنـت غلطان ومحسبج حلم وردي
عمر كبرني عشـــكج سهر ! شيب! هموم!
يمـته انساج خاطر ارجع بكدي
عساج بحركة مشلل وعرضه انباك
ويريـد أيغســل عرضه وحاله متردي
جرحه بطوله حتى خياله دم يسيل
ويلم دمه ويشوف الحيل متبدي
العاشك لو حجه بمحبوبه شعر عتاب
غزل يطـلع بشعره منين مايبدي
رد مع اقتباس
المشاركة الأصلية كتبت بواسطة أوراق شاعر♪
