وائل الخالدي/ بغداد
عمت عين الوكت خلاني بتالي_
وانه اركاب جانت تنحني اكبالي_
فر بيه الوكت والعوز شد وياي..
جان الزود نايم رغد بذيالي_
جنت من احجي تعرك كصة الديوان..
جان. الشيخ يتمنه ايتدنالي_
جنت من اطلع امن البيت خطار..
وراي الشمس تمشي تبوس بخيالي_
جنت ورده وتشمني الناس يتمنون..
من غصني ذبل محد شكه بحالي_
من اضحك جنت جنح الفراشه يطير.
الماي الجنت اشربه بركبتي ايلالي_
حسافه العوز دكني وغيرالي الحال..
تضحك علي كامت وسفه عذالي_
النطيته ورد حط خنجره بمكفاي..
اوديله ابتسامه انياب ودالي_
والطكيت ضلعي الخاطره ياحيف..
صوره اويه الجرح تذكار خلالي_
الجانو يمي يبجون»»
علي كامو يضحكون»»
ابن امي طلع ياوسفه عذالي_
عمت عين الوكت خلاني بتالي_
رد مع اقتباس
المشاركة الأصلية كتبت بواسطة كرارالحسيني
جميـــــــــــــــــل