مرتضى الاسدي ....بغداد
ماعاثر گبل حته اعثر وياك
اخمن دربي اذا مسحوگ مادوس
مثل خيط البريسم بيه طبعين
ترف من الزم من انسحب موس
أدور خام حت لو خشن وياي
ولا اگدر حرير وگبلي ملبوس
من ريتك عرفتك مشتم الليل
النفس يطلع ثگيل وجوه متروس
حلات الشجره ما مشتمهه حطاب
ولا منقوشه ذكرى وفيهه مجيوس
الشجره ألما انكضت تعرگ اوراق
كضيتك وعرگت گصتك فوس
ماشاير سبح بس اعرف اختار
اعرفه الوجهه خير وجهه منحوس
موش الطير اعرف الريشه بالريح
ريشة بومه ما تقنعني طاووس
ماتكسرني عينك لو بجت بير
انه بهاي المواقف ماخذ ادروس
شمادگ بالمواكب يبقه مفضوح
علا الدمام ياما اهتزت الروس
گطره وماتهمني اچلب اطيح
انه ناعور ماتتوشل الطوس
رد مع اقتباس
المشاركة الأصلية كتبت بواسطة كرارالحسيني
