الليل ووحشته وفزعة الحسبات
وشالت عمر وكليب دوم يلوب
ودواليب الليالي تفرني صارسنين
مو بالعدل تفتر بيه بالمكلوب
ومكابري وضحك شفايف الشمات
يعلكني مثل شمعه بصبرهه تذوب
لم عمري التطشر خرز سبحه بليل
يلشوفتك واحة تريح المتعوب
نستني الهموم اسمي وفرح دنياي
وعله الباقي من عمري اصبحت مطلوب
أشب واطفه بعذابي بلا نفس لاصوت
صابر للعليّه من الصغر مكتوب
ذنبي وذنبك وذنب الذي يلومون
بكليبي وصرت مصفاة مالي ذنوب
لاضحك الجذب سوى لي صوره حال
ولا كثر المكابر جبر المعيوب
ذاك انه وهذيج ثياب حزني السود
ما يوم الفرح حنّ وجساني بثوب
ابجي لوحدي من اختلي بروحي بليل
وبكلبي الرجا مناطر الماي يروب
شكثر جويت كلبي ونكلتني شكد
وانه بذاك الوفه وما يرضه كلبي يتوب
عبرتني السنين وشيبت ليالراس
وانت اصغر صرت بالعمريالمحبوب
ماهمك الهمني ولا حزنت وياي
ترفل بالسعادة وما تهم فد نوب
وعدك وين يالكلتلي الوفامريود
اشو كل وعد منك طلع من عرقوب
جزر صبري ونخيتك وانه ميت شوك
ردتك تنتخي لي وتزيح الهم
لكيتك موش ثوبي ولا عليه تلوك
حيه مركطه ونيبان تكطرسم
خذت ضحكي وعفت لي الحزن والصفنات
وسنيني نثرتها بليل حيل أظلم
كبل ظني من اخونك ما تخون وياي
اشو باول دربنه وكلتلي مانرهم
صدك يفلان لانك بالدغش مديوف
مامر الوفه ببابك ولاسلم
جنت وهمان أدور ثمربالعاكول
ومن الداي ادور للجرح مرهم
غشيم وغشني ضحكك والحجي المعسول
وبجفك دليلي تمددوسلهم
شهد راويتني يدني النفس يفلان
حد ما ضقت منه ولنه مرعلقم
شاكلك غير روح محولل وماهوب
لا اندم عليك ولا علي تندم
إلي غيرك جثير وما إلك مثلي
محب لجروح كلبك كلبه يتألم
وفيت وياك حد الاه والحركه
ودليلي بالف جويه بشوكك اتوسم
ترس عينك تنام وانه الك سهران
اتكلب تكلب مثل المسمم
كلت مده وتحس وتعوض اللي راح
وبكربك أعيش الباقي واتنعم
اثاريني ببحر من الوهم غركان
راكس بالعذاب وبالسعادةاحلم
أدور بالسراب ميه ترويني
واريد من الاحزان بوجهي تتبسم
ردت منك تشد ظهري بليالي الضيج
ما ردتك لكتلي وياالعدا محزم
رد مع اقتباس
راااااقي 
المشاركة الأصلية كتبت بواسطة حلاوة الايمان
