((كالوا ليش))
============
كالوا ليش ماتكتب غزل مولاي=أشو بس حزن تكتب والدمع يسفح
كافي بس حزن تكتب نريداشعار=بيها نسلي انفسنا وبعــــــــد نفرح
كلت حقكم يخوتي والفرح مشروع=بس ماكو وكت نتمايـــل ونردح
الطرب يراد واحد مترف وبطـران=ويعيش بقصر يلعب ويتمرجــــح
عنده من الجناسي اثنين رسميات=وفضائيه تذيع اخبار وتصــــــرح
عنده شجم وزير شجم وكيل وعام=شجم واحد يدير المزرعه ويفلــح

مو مثلي أيبات ويصـبح على الضيم=وبنيته الوحيده ثويبه مشرشـح
احنه بهل وكـت لازم نطين الراس=ما نكتب قصص وهميه للمسرح
داعش والنواصب بينه محتاطــين=بعقر دار الإمامة وبعلـــــي اتجرح
بسامره تفجر اقدس الأقداس=ولحسين الغريب ويا الفجر تذبــــــــــح
غضيتوا الطرف عن فعلة الأشـرار=بحجة الوطن يحتاج نتسامـــــح

انتخبناكم يغاتي جنه متصورين=واحدكم يخوف الخوف مـــن يزكـح
كافي هل تخاذل سووا حد الهاي=يذبحونه الأراذل وحنه نتبجـــــــــح
بسم الوطن مره ومره بسم الدين=وبحجة الوحده عن عـــــمر نصفح
لولا سيف ذي الفقار مــــــا قامت=للإسلام رايه ولا ذكر يصــــــــدح
ياشيعة علي مقبوله منكم هاي=على احساب المناصب للعــــدو نبطح
تبينتوا بيادق لعبة الشطرنـــج=أيحركم اسامه بخشبة المســــــــــرح



سيد كاظم الشرع