هنا

[Noor M. Hassan]

عليكم السلام ورحمة الله وبركاته ، أول شيء منين تتصفحين الدرر موبايل لو كومبيوتر ؟ ثاني شيء يا متصفح تستعملين ؟ اذا كان كومبيوتر ننصح باستعمال متصفح جوجل كروم أو موزِلّا فوكس فايَر والأفضل جوجل كروم لأن أسرع (نصيحة للمكفوفين استعمال موزِلّا فايَر فوكس رغم أنّه شوية أثقل من جوجل كروم بس متوافق بشكل جيد مع الناطق nvda ) ، اذا كان هاتف محمول فحسب الجهاز : اذا نظام أندرويد مثل جلاكسي أو هواوي أو htc فننصح باستخدام متصفح جوجل كروم فقط ، واذا نظام ios مثل Iphone أو Ipad فاستخدمو متصفح سفاري فقط . هذني المتصفحات متناسبة مع الاجهزة اللي ذكرتهن وميختفي شيء بالدرر لكن يبقى للأنترنت دور في ظهور أو اختفاء بعض الأيقونات .

احطت الموضوع من كل الجوانب بالفائدى كالعادة اخي الكريم حسن ، اني من الموبايل و احيانا ايباد ، بالنوبايل استعمل متصفح اوبرا ميني و بالايباد استعمل كوكل كروم ، بس و الله اعلم ما اله علاقة بهالمسائل و لا بقوة الانترنت لانه و اتصور انه خلل تقني في صفحة ملفي يعني لازم احد من اللي يفتهمون بالتقنيات مال المنتدى يتدخل و يصلحها و الاخ الكريم سامر الله يساعده دراسة و غربة و مو متفرغ حاليا بس ان شاء الله تنحل قريبا لانه صارلها فترة مو قصيرة
جدا اشكر مرور حضرتك اللي اسعدني جدا و الكل بالتاكيد و موفق دائما باذن الله تعالى

[د. حسن سعيد]

واني هم ماا جاي يطلع يمي بس استلم رسائل وارد عادي بس اني مااكدر اكتب رسالة الي يعني

حمودي شلون يطلع رسالة لنفسك ؟ هاي متطلع عد أي أحد منا ، محد يكدر يدز رسالة لنفسه ، بس اللي تطلع لو انت من تدخل بملف عضو تلكى مكان مال كتابة رسالة زائر اذا ما كان موقفهن لو من تدخل ملفك وتشوف جايتك رسالة زوار تلكى أيقونة رد عليها اذا ما كان اللي دازلك الرسالة موقف استلام .

[Noor M. Hassan]

واني هم ماا جاي يطلع يمي بس استلم رسائل وارد عادي بس اني مااكدر اكتب رسالة الي يعني

زين شلون تستلم وارد اخي الكريم محمد ؟ يعني راسا تشوف رسالة بملفك جديدة ؟ يعني المربع ظاهر لغيرك لكن مو الك ، بهاي الحالة اني ما اعرف اذا المربع في ملفي ظاهر للزوار و لكن مد يظهرلي اني بس اذا هيج فشي بسيط يعني و اكدر ارد عادي ، هسه خلي نشوف العزيزة زهرة و تنحل ان شاء الله و جدا شاكرة الك للمرور

[د. حسن سعيد]

احطت الموضوع من كل الجوانب بالفائدى كالعادة اخي الكريم حسن ، اني من الموبايل و احيانا ايباد ، بالنوبايل استعمل متصفح اوبرا ميني و بالايباد استعمل كوكل كروم ، بس و الله اعلم ما اله علاقة بهالمسائل و لا بقوة الانترنت لانه و اتصور انه خلل تقني في صفحة ملفي يعني لازم احد من اللي يفتهمون بالتقنيات مال المنتدى يتدخل و يصلحها و الاخ الكريم سامر الله يساعده دراسة و غربة و مو متفرغ حاليا بس ان شاء الله تنحل قريبا لانه صارلها فترة مو قصيرة
جدا اشكر مرور حضرتك اللي اسعدني جدا و الكل بالتاكيد و موفق دائما باذن الله تعالى

الشكر لله تعالى ، حياكِ الله أختي الكريمة ممتنٌ على اطرائكِ ، اذا ما صار حل للمشكلة معناها مثل ما تفضلتِ (خلل تقني بالصفحة) جربي تراسلين النائب ali ibrahim هم عنده مَلَكة جيدة في هذا المجال وصلاحياته كنائب أتصور تمكنه من مساعدتكِ ، تقديري لكِ

[رناوي رناوي]

والله اني جديدة بالمنتدى ودخت حيل يجوز راح اطلع لان مابيه تفاعل او مااعرف شلون استخدمه ونشرت مشاركة وحده ونمسحت وهيه لطمية

[محمد البصراوي]

حمودي شلون يطلع رسالة لنفسك ؟ هاي متطلع عد أي أحد منا ، محد يكدر يدز رسالة لنفسه ، بس اللي تطلع لو انت من تدخل بملف عضو تلكى مكان مال كتابة رسالة زائر اذا ما كان موقفهن لو من تدخل ملفك وتشوف جايتك رسالة زوار تلكى أيقونة رد عليها اذا ما كان اللي دازلك الرسالة موقف استلام .

لا قبل كان موجود يظهر مستطيل كتابة الرسالة ولكن صار اكثر من شهر اعتقد ماكو بس عاي استلم رسائل وارد عادي ولكن احتاجة في بعض الشغلات

[Gardi]

ماكو غير صوج المتصفح او ضعف النت
او خلل فني وهذا يم سامر ... اريد اعرف كم عضو عندة هذه الحالة وهل هي عامة

[جريح الفؤاد]

في مرة ظهرت عندي هذي المشكلة ومو بس بالرسائل .. أتذكر بجميع اﻷماكن يعني رسائل زوار و خاصة و حتى بإنشاء المواضيع والرد ع المشاركات ما يظهر مربع الحوار عندي بس بقت الهمسات تشتغل و وقتها تحدثت وي آركي و قال لي غيّر المتصفح و غيرته وما فاد وبقيت عندي كم يوم الى أن من وحدها أختفت المشكلة و ما عرفت لويش صارت

[روِمِيّوِ آلَعَ ـصِـر آلَحً ـدُيّثًـ]

ماكو غير صوج المتصفح او ضعف النت
او خلل فني وهذا يم سامر ... اريد اعرف كم عضو عندة هذه الحالة وهل هي عامة

لا صوج المتصفح ولا خلل فني
مربع الرسائل ما يطلع يم المستلم فقط يم المرسل
يعني هسة اي عضو من يدخل ع ملفه الشخصي مراح يشوف مربع الرسائل اما من يدخل ع ملف اي عضو يلكه مربع الرسائل
وهاي برمجه او اضافه اعتقد

[Noor M. Hassan]

الشكر لله تعالى ، حياكِ الله أختي الكريمة ممتنٌ على اطرائكِ ، اذا ما صار حل للمشكلة معناها مثل ما تفضلتِ (خلل تقني بالصفحة) جربي تراسلين النائب ali ibrahim هم عنده مَلَكة جيدة في هذا المجال وصلاحياته كنائب أتصور تمكنه من مساعدتكِ ، تقديري لكِ

ممتنة جدا جدا اخي الكريم حسن ، اني كتبت الموضوع في اسئلة و اجابات حتى يكون متابع من الادارة ايضا و ست زهرة موجودة و متابعة كنائبة ايضا فان شاء الله تنحل قريبا لانه واضح مو بس اني و انما عدة اعضاء فالحمد لله كانت فكرة كتابتي للموضوع في محلها بفضل الله سبحانه و تعالى ، اجدد امتناني لحضرتك مرة اخرى على المرور انت و الجميع